Jk Guͦntzel van b(er)tensle(uen) ritter des houetma(n)nes sone beke(n)ne openbar in desseme b(ri)ue vor allen luden de en seen edde(r) hore(n) lesen dat / ik mit vuͦlbort hern Ghuͦnters mẏnes vedd(er)en Guntzels mẏnes bruͦders vn(de) Guͦntzels lauenguntzels sone alle gheheten / van b(er)te(n)sle(uen) hebbe(n) geleghen vn(de) lige(n) Albrechte brewitzen vn(de) tydeke(n) brewitze(n) brude(re) borgher in der olden stad to Soltw(edele) / vn(de) oren rechten erue(n) to eneme rechten leue . dat dorp tho Ghyͤelisse ¹ [ ... ] hogheste(n) vn(de) njdeste(n) in deme dorpe in Velden an holten / an wateren) vn(de) an weẏden vn(de) an wẏschen mit allerleẏge to behori(n)ghe vn(de) deme Schultambachte . Jn Stephens houe iarliker / rente dryͤ pu(n)t soltw(edelscher) pe(n)ni(n)ghe vier schok vlasses achte huͦnre vn(de) twe vateme² holtes in Beteke buͦnadsen houe druͦttich schilli(n)g(he) / soltw(edelscher) pe(n)ni(n)ghe eyne(n) vateme holtes viff huͦnre twe schok vlasses in [ ... ] Schulte(n) houes druͦttich schilli(n)ghe Soltw(edelscher) pe(n)ni(n)ghe eẏnen / vatem holtes vier huͦnre . twe schok vlasses . Jn hans righatzes houe . druͦttich schilli(n)g(he) soltw(edelscher) pe(n)ni(n)ghe eyne(n) vateme holtes vier / honre twe schok vlasses jn deme kotzeter erue dar nuͦ vppe Wiger(t) Coneke strate teẏn schilli(n)g(he) pe(n)ni(n)ghe soltw(edelsche) vier huͦnre . alle iar / vptonemende vredeleken vnde roweleke(n) to besittende alse se dat vor veseten hebben van hern wernere vn(de) van hern Buͦssen / van b(er)tensleue vsen vedder(en) den got gnedich syͤ dat wẏ dit stede vnde vaste holden willen suͦnder iengheleẏge arghelist / hulperede edd(er) nẏgevuͦnde . so hebbe ik her Guͦntzel . her Ghunter Guͦntzel . vnde Guͦntzel landghuͦntzels sone alle heiten van / bertensleue vorbenomet . vse inghezelghele witleke(n) mit guͦden willen vn(de) vo(r)e bedachten muͦde henghen laten an dessen opene(n) / brifthuge desser dẏng alze vor screuen steit sint desse erleke(n) lude . her Gheuerd latekote prẏster hans Berteldes Clawes=/gotscalk lemmeke osterworch helmwẏch dẏstersen eyn goltsmet vnde Busse van Bessendorpe . alle borghere in der olden stad / tho Soltwedele desse brif js gheue(n) vnde screue(n) to Soltw(edele) na godes boͤrd Dusent jar dryͤ huͦndert jar dar na in deme / in deme dryͤ vnde negh(e)ntesthen jare des neghesten vryͤdaghes in der vasten vor deme donre palme daghe