Ik her Hinr(ik) hartwighes prẏster Bekenne apenba(r)e vn(de) Betughe in desseme brẏue dat ẏk / mẏt mẏnem vrẏgen guden wyllen ghewẏlkoret hebbe vn(de) wẏlkore in desseme sulue(n) brẏue / dem rade in der olden stad zoltw(edel) to gheuende eẏn puͮnt zoltw(edlescher) pe(n)nẏnghe alle Jarlykes in / sunte galle(n) daghe alle de wẏle dat yk leue dar v(m)me dat se mẏ mẏnen hof stande bẏ den / Baruote(n) brode(re)n to zoltw(edel) mẏt siner to behoringhe ghevrẏget hebbe(n) alle de wẏle dat yk / leue oder den hof hebbe van aller stad pleghe vn(de) rechticheẏt vnd(e) dat se mẏ ghenome(n) heb/ben in ere beschermẏnghe mẏnes gudes bẏnne(n) der stad zoltw(edel) vn(de) dar bute(n) mẏn gud to / beschermende vn(de) to vordedinghende lyk eren borghere(n) wor se dat enden ku(n)nen vn(de) vormoghe(n) / we(r)t auer dat yk den vorscr(euenen) mẏne(n) hof vorkofte oder v(m)me eẏn ander ghesete buthede eder / anders weme byte we denne den vorscr(euenen) hof kreghe de schal dar van dun der stad vn(de) dem / rade alle stad pleghe vn(de) rechticheẏd . auer watte ghesete yk weder kofte oder vor den hof / kreghe des scholde yk vrẏ bruken aller stad pleghe vn(de) rechticheẏd to den tẏden mẏnes leue(n) / des sunder dat puͤnt zoltw(edelscher) pe(n)nẏnghe alle Jarlykes deme rade jo to gheuende alse vorscreuen / ys . to Bekantnisse dess(er) vorscr(euenen) stucke hebbe ẏk her Hinr(ik) hartwjghes vorghenomet mẏn inghe/seghel henghet an dessen brẏf Gheue(n) na godes Bort druttheẏn hundert Jar in dem souͦen / vn(de) neghenteghẏsten Jare in sunte vitus auende m(er)rtir(ij) , , /