Wy Borchard bade Tide wolt(er) Clawes moller Hans almstede Kersten boddenstede Hans sch(er)mer Tide brunow Kerste(n) schulte / Clawes rekeling Clawes ercksleue arnt cossebu clawes kolnir Dider(ik) chuden Hans scroder H(er)me listen Cone brewitze Lam=/brecht bade vnd(e) Hans bock Radman(e) der Stad Sotw(edel) beke(n)nen apembar vor alliswem(e) tugende dat co(n)rad(e) wi(n)kelma(n) en / elick des stichtes to v(er)den vns(es) Borgers Boldewin winkelmans zelighers zone in vns(er) iege(n)wardicheyt von wegen syn(er) p(er)sonen / affticht hefft gedan vnd(e) affticht deyt i(n) krafft dess(es) brijff(es) van erffghelde husgerade Beddewande schulde vnd(e) rekenscapp de / em syn vad(er) Boldewin erg(e)n(an)t zelig(er) schuldich wa(r)d gebleue(n) dar van vnse vorseghelde brijff endeyl inholt , dar hee i(n)ne van / merten kle(n)tzeman wol betalet vnd(e) vornoget is Des to merer beka(n)tnisse is vns(er) Stad Ingeseg(el) myt vns(er) witscapp vnd(e) / vulbort ghehangen an dessen briiff de ggeuen is Na gades bord veerteynhundert jar dar na In dem(e) scesvnd(e)vertigesten / [ jare am dage Su(n)te bartholomei des hillighen aposteles ] ¹