Wy Tide brunow Tide mechow claws moll(er) Hans sch(er)m(er) Heyne pritzer clawes ercksleue Tide boͤck Diderick chuden / clawes rekeling claws Kolnir Arnd calvlitze Ermbrecht schuckow w(er)ner wittecop Me(n)te va(n) gawel Steffen schulte / Tide wolt(er) wolters lambrecht bade vn(de) Otto vi(n)tzelberge Radman(ne) d(er) Stad Saltw(ede)ll Beke(n)ne(n) ape(n)bar vor alliszwem(e) / tugende dat vor vns is gewesen vnse medeborg(er) vese knakenhow(er) vn(de) hefft vorkofft rechte vn(de) redelke(n) to eynem(e) rech=/te(n) erffkope in vn(de) an synem(e) husze by hans scroders husze vn(de) in vn(de) an synem(e) garde vor dem(e) luchowesche(n) dore by / Hinr(ik) gladegow(en) des juͮngers garde belegen Hansze distorpe Heyne(n) wisteden vn(de) Hansz block sa(m)ptlike(n) eͤm ere(n) eruen / vn(de) dem(e) hebbe(r) dess(es) brūff(es) myt erem wyllen twe m(a)rc pen(ninge) Rente(n) vn(de) jarlig(er) thinsze vor durtich m(a)rc pen(ninge) solt=/wedelsch(er) weringe de ze vese(n) varg(e)n(an)t wol tornoge entrichtet hebbe(n) vn(de) betalet desse twe m(a)rc pen(ninge) jarlig(er) / thinsze schal vn(de) wyl vese erg(e)n(an)t synes huszes vn(de) garde(n) besitte(r) Hansze heyne(n) vn(de) hansze varg(e)n(an)t sa(m)ptlike(n) eͤm / ere(n) erue(n) vn(de) dem(e) hebbe(r) dess(es) brüff(es) myt erem wyllen alle jarlige(s) to veer tijden des jares alsze to Su(n)te michael(is) / dage neystkamende to wynachte(n) to pasch(e)n vn(de) to su(n)te Joha(n)nes baptiste(n) dage touer iewelke(r) tijd myt achte schilling(en) / pe(n)ni(n)ge(n) zund(er) vortoch wol to danke entrichte(n) vn(de) betale(n) doch zo hebbe(n) de varg(e)n(an)te hans heyne vn(de) hans vor zijck / ere erue(n) vn(de) deme hebbe(r) dess(es) brüff(es) myt erem(e) wyllen vese(n) varg(e)n(an)t synes hus(es) vn(de) garde(n) besitte(r) togestedet ey(n)s /wedderkopes der varsc(reuenen) twe m(a)rc pen(ninge) re(n)te(n) vn(de) jarlig(er) thinsze vor durtich m(a)rc pen(ningen) erbenomde(r) weri(n)ge alsze / uppe welke tijd is vese(n) vorg(e)n(an)t vn(de) synes hus(es) vn(de) garde(n) besitte(r) wol beqweme is mach he vn(de) schal hansze(n) / heyne vn(de) hansze varg(e)n(an)t sa(m)ptlike(n) en vn(de) eren erue(n) vn(de) deme hebbe(r) dess(es) brüff(es) myt erem(en) wyllen de dur/tich m(a)rc pen(ninge) houetstoles vn(de) dar to allent wes va(n) rechte(n) re(n)ten vn(de) thinszen dar va(n) sijck de(n)ne behore(n) / mach vul vn(de) all entrichte(n) vn(de) betalen wen dat tornoge de(n)ne alszo geschen is so scholen vese(n) vorg(e)n(an)t synes / hus(es) vn(de) synes garden besitte(r) de twe m(a)rc re(n)te(n) wedd(er) vrij quijd vn(de) loͤs syn To merer tuchnisse is vns(er) / Stad ingeseg(el) myt vns(er) witscap vn(de) fulbord gehange(n) nedden an dess(e)n brüff gegeue(n) Na der bord (christi) / verteynhu(n)dert jar dar na i(n) deme achtevn(de)uertigeste(n) jare des sondag(es) vor su(n)te viti dage /