Wy Hans almpstede Kersten Bode(n)stede . Dider(ik) chud(e)n Borch(er)t Bod(e)n , Dyder(ik) mechow , Tide Brunow Clawes moller , Kersten / schulte Claw(es) ercksleue Arnd cossebu Claw(es) Rekeli(n)g , Dider(ik) Lage(n)dorp Tide Buek , Cone Brewitz Mente va(n) gawel Lamb(er)t boden / Tyde ha(n)s wolt(e)r vnde Hans wopeld Radman(ne) to Soltwedel Bekenne(n) ape(n)bar Indessem(e) Breue vor alszwem(e) dat vnse medeborg(er) / Luder plate(n)sleger(e) vns to vnser der Olde(n)stad Behuff r(e)cht vnde redelig(e)n to eyne(n) r(e)chte(n) erffkope vorkofft hefft In synem(en) / erue dar he Inn(e) woned by He(n)neke hilde(n)sem(e) belegen , dre m(a)rk Jarlig(er) tynse vor vefftig m(a)rk pen(ninge) vnser stad weri(n)ge / de wy ome woltodancke v(er)nuged hebb(e)n , Desse dre m(a)rk pen(ninge) Rente(n) , willen vnde schullen de erben(nomden) Luder vnde synes erue(n) / Besitter(e) , vns vnde vnsen Nakomeli(n)g(en) to vnser Stad Behuff alse vorberord is Alle Jarliges to veertiide(n) des Jares / Alse to paschen neystkome(n)de to Su(n)te Joha(n)nis baptiste(n) To Su(n)te Michaelis dage(n) vnde to wynachte(n) dar neystuolge(n)de / to eyner yowelken tiid xii schilli(n)ge pen(ninge) erben(omden) weri(n)ge gutlige(n) vnde wol to dancke entrichte(n) vnde Betale(n) Doch so / mede Inbeschede(n) wan(ne) dem(e) geno(me)d(e)n Luder(e) vnde synes erue(n) Besitter(e) dat wol beqwem(e) is Moge(n) ze desse yarlige Rente / alle , eder eyne yowelke m(a)rk Besund(ere)n vnde by sek alse en denn(e) des gelusted vnde dat Bequem(e) is afflosen ¹ vnde wan(ne) ze dat / don willen schullen zee vns eder vnsen Nakomeli(n)g(e)n to vns(er) Stad Behuff de vorg(enomden) vefftig Mark pen(ninge) houetstuls / vor de Rente alle , eder vor eyn(e) yowelke m(a)rk by sek vnde beszund(ere)n , so vele alse dar na andele vorbehored myd / aller Bedaged(e)n Rente(n) vul vnde all entrichte(n) vnde Betalen , Wan(ne) dat de(n)ne tor nüge also geschen is schal desse /yarlige Rente eder so vele denn(e) affgelosed vnde an dem(e) houetstuls myd der vorscreu(ene)n Rente na antale affgegeue(n) / werd , dem(e) vakeno(m)d(e)n Luder(e) vnde synes erue(n) Besitter(e) wedder vry qwijd vnde losz syn Des to mer(er) tuchnisse hebbe / wii obg(e)n(an)t(e) Radma(n)ne vns(er) der Olde(n)stad Inges(egel) witlig(en) hete(n) henge(n) an desse(n) Breff Na godes Bord vertey(n)hu(n)d(er)t Jar / dar na In dem(e) Nege(n)vndevertigesten Jar(e) Am(e) Mandage na dem(e) Sondage alseme(n) singed Quasi mo(do) geniti (etc.) /