Wy Hans almpstede , Hans Sch(er)mer , Clawes moller , Heyne Jorysser Kersten Bode(n)stede Borch(er)t / Bode(n) Kersten schulte(n) Arnd cossebu , werner wittekop , Hinr(ik) gladegow , dyder(ik) Lage(n)dorp(en) Claw(es) kolnir / Cone Brewitz , Ermbr(echt) sch(er)nekow , Tide wolt(e)r wolt(er)s , H(er)me(n) Lysten , Ha(n)s mechow vnd(e) Otte vintzelb(er)g Radman(ne) / to Soltwedel Bekenn(en) ape(n)bar tuge(n)de vor alszwem(e) , dat mid vns(er) witschop vnse medebeszwor(e)n , Dyder(ik) / Lage(n)dorp , r(e)cht vnd(e) redelige(n) vorkofft hefft vnd(e) vorkofft in crafft desses Breues den vorstende(r)n / Su(n)te Gertrud(e)n vor vns(er) Stad Belege(n) nemelk(e)n werner wittekopp(en) vnde Gherk(e)n vogede Teyn / schill(inge) pen(ninge) Jarlig(er) Rente(n) de he hefft In Symek(e)n huse by Su(n)te Ghertrud(e)n Belege(n) vor Teyn m(a)rk / pen(ninge) vns(er) stad weri(n)ge dede om(e) woltodancke v(or)nuged syn , , Desse teyn schill(inge) pen(ninge) Jarliger Rente(n) wille(n) / vnde schulle(n) Symeke vnd(e) synes erue(n) Besitte(re) , den vorstende(r)n Su(n)te Ghertrud(e)n vpp(e) Su(n)te g(er)trudn / behuff Alle Jarliges to twen tiide(n) des Jares . Alse to Su(n)te Joha(n)nis Baptiste(n) dage neystkome(n)de / vnd(e) to winachte(n) darneystuolge(n)de to eyn(er) yowelk(e)n tiid viff schill(ing) pen(ninge) erb(e)n(anten) weri(n)ge gutlig(en) / vnde woltodancke entrichte(n) vnd(e) Betale(n) Doch so mede Imbesched(e)n wan(ne) dem(e) erb(e)n(anten) dyder(ik) des / wolgelusted , moge(n) he vnd(e) syne erue(n) , desse teyn schill(inge) pen(ninge) yarlig(er) Rente weder affkope(n) vnd(e) / losen vnd(e) wan(ne) ze dat don willen , schulle(n) ze der vorstend(er)n Su(n)te Ghertrud(e)n vpp(e) su(n)te Gertrud(en) / behuff de erb(e)n(anten) teyn m(a)rk pen(ninge) myd aller Bedaged(e)n Rente(n) vul vnde all entrichte(n) vnd(e) betale(n) / wan(ne) dat tor nuge denn(e) also geschen ist , schal dem(e) vakeno(me)d(e)n dyder(ik) vnde syne(n) erue(n) desse Jarlige / Rente weder vry qwijd vnd(e) losz syn To orkunde myd vnser der Olde(n)stad Inges(egel) witligen / an dessen Breff gehenged vorsegeld Na der Bord cristi vns(es) he(r)n vertey(n)hu(n)d(e)r(t) dar na In / dem(e) veftigesten Jar(e) Am(e) Mandage na dem(e) Sondage alseme(n) singed Quasi mo(do) geniti (etc.) /