Wy Tide brunow Clawes rekeling Heyne pritzer Hinric gladegow Steffen Steer Mente van / gawel Herme(n) lijsten vnd(e) He(n)ni(n)g krem(er) Radman(ne) dee Nẏen Stad Soltwedel Bokenne(n) apenbar / tugende vor alliszwem(e) dat heẏne Jetze vnd(e) Jacob gusseuelde vorstendere desz gadeshuses / S(un)te Kathe(r)ine der Nẏen Stad Soltw(edel) In vnsir Jeghenwardicheid vnd(e) myd vnser vülbord / hebb(e)n gewilkored vnd(e) wilkoren mẏd Krafft dussis breues eẏne ewighe deghtnisse lat(e)n / to holdende In dem vorgescr(euenen) gadeshuse Sunte Kath(er)ine(n) Hansz margreue(n) vnd(e) hezen / sẏner eelyk(e)n husfrow(e)n vnd(e) Ern Joha(n)ne vnd(e) ock Eren Dide(r)ico erer twier sone vnd(e) / ock allen de vte erer twier slechte vorstorue(n) sẏn mẏd aͦchte schilling(en) pen(ningen) Soltwedelsch(er) / weringe Dar de sulue Hans margreue vnd(e) heze sẏne eelike husfrowe den vorgescr(euenen) / vorstende(re)n vnd(e) gadeshuse vor In laten nagh orer twier dode drudteẏn m(a)rc renten / Soltw(edelscher) weringe de sze hadden gekofft bẏ dem(e) vorgescr(euenen) gadeshuse to orer twier leue(n)de / vor twehundert m(a)rc pen(ninge) vnd(e) vertich m(a)rc pen(ninge) Soltw(edelscher) weringe allẏd mede Inboholde(n)de / desse vorgescr(euenen) me(m)orien van achte schilling(e)n Desse me(m)orien vnd(e) dechtnisse schalme / holden Alle Jar desz Sondag(es) vo(r) Sancti Nicolai Dage des aue(n)des de vilge vnd(e) des / mandag(es) neghest de zelemisse In desser wise schol(e)n de(n)ne de vorgescr(euenen) vorstende(ren) / Desz gadeshus Sancti Kathe(r)ine vnd(e) ore nakamelẏnge vͤt gheue(n) de vorgescr(euenen) achte schil=/ling(e) pen(ninge) Soltw(edelscher) weringe To dem(e) ersten dem Kerkhe(r)n eyne(n) schilling Jewelk(e)n Capel=/lane eẏne(n) schilling Iss(et) dat sze alle dar Jeghenwardich In der villigen vnd(e) misse sẏnt / vnd(e) weret ouerst dat orer eẏn dar nichten ¹ Jeghenwardich en were szo schalme dess(es) deẏl . / keren In desz* gadeshus nütticheẏd Dem groten Kostere verteẏn pen(ninge) dar vor he schal / Luͤden vnd(e) to der vilgen gan Dem(e) vnderkoste(r) veer pen(ninge) dar vor he ok schal to der vilg(e)n / gan vnd(e) de Lichte ansteken vnd(e) vͤt don vortmer negen scholre to der vilg(e)n eẏnem / jewelken Twe pen(ninge) vortmer dem(e) Kerkhe(r)n twe schilling(e) vor den sondag(en) briff Desse / me(m)orien vnd(e) dechtnisse will(e)n vnd(e) scholen de vorgescr(euenen) gadeslude mẏd oren naka=/meling(e)n laten holden zu dem(e) vorgescr(euenen) gadeshuse Su(n)te Kath(er)ine(n) vppe de obg(e)n(an)te tijd / Sunder Je(n)nigerleye Hindere vnd(e) Inüal Desz to groter Bokantnisse hebbe wẏ Radman(ne) / erbonomed vnsir Stad Inges(egel) witlik(e)n heng(e)n lat(e)n nedden an dessen briff Geue(n) / na (cristi) gebord virteẏnhu(n)dert Jar dar na an dem(e) eẏnvn(de)vefftigist(e)n Jare desz Sondag(es) / [na vnser hilgen frouwen dag orer hil[g(e)n] ² Bord