Wẏ Borgermeste(r) vnd(e) Radma(n)ne der Stad Soltwedel Bokennen apenbar(e) tugende in / dessem(e) Breue Dat vor vns gewes(e)n is Ern Dideric Kerkun v(m)me salicheyd vnd(e) meru(n)ge / godes dẏnstes hefft belecht vnd(e) gemaket to Ern cossüns gmend(e)n zeliger Achte m(a)rc / pen(nige) rent(e)n Sẏne wani(n)ge Twe verde bocke vnd(e) eẏn blaw gerwet dar Ewich bẏ to / bliuende Doch mẏd dussem(en) vnderscheyde dat hee vnd(e) Ern Arnd Huseke sẏn(er) suster / sone will(e)n sick bruken der achte m(a)rc rent(en) der wani(n)ge der bocke vnd(e) des gerwetes / de tijd ores leuendis v(m)me meringe will(e)n godes dinstes geue wẏ vrig de wani(n)ge / Ern Dide(r)ic de tijd sy̆nes leue(n)dis van aller Stad plege Sunder Ern Arnd leuet hee / lenger wen Ern dide(r)ic De schall alley̆ne van der wanẏ(n)ge geue(n) alle Jar Twe schilling(e) / to schate To orkunde vnd(e) vorder Bekantnisse hebbe wy Radman(ne) vorbonomem)d vns(er) / Stad Jngesegill vor vns . vnd(e) vnse nakamelinge witlik(e)n mẏd gud(e)n will(e)n hengen / lat(e)n nedd(e)n An duss(e)n Briff Gegeue(n) na (christi) gebord virteẏnhund(er)t Jar(e) dar(e) na In / dem(e) eẏnvn(de)vefftigist(e)n Jare Am(e) dag(e) Arndree desz Hilg(e)n Apostels /