Wy Ha(n)s almpstede Kerste(n) bode(n)stede Ha(n)s sch(er)mer Borch(er)t Bode(n) Tide brunow Claw(es) Rekeli(n)g Kersten schulte Dyder(ik) / Lage(n)dorp(e) Arnd coulisse Tide buek Me(n)te va(n) gawel Steffen schulte . La(m)b(er)t bode Tide Ha(n)s wolt(er)s vnd(e) Ha(n)s wopeld Radman(e) / to Soltw(edel) Bekenn(en) ape(n)bar(e) tuge(n)de vor alszwem(e) , dat mid vns(er) witschop vnse medeborg(er) Jacob Brokmoll(er) r(e)cht vnd(e) redelig(en) / vorkofft hefft vnde vorkofft in crafft dess(es) Breues In syn(en) erue(n) by Jacob Leutzek(en) belege(n) . den erlige(n) Ern Johan(nis) prjste / Deken(e) vnd(e) Meyneke Rot de kemere(n) des luttike(n) kala(n)d(es) mid vns in vns(er) Stad Twe m(a)rk pen(ninge) Jarlig(er) vor xxx m(a)rk / pen(ninge) vns(er) Stad wer(inge) dede om(e) woltoda(n)cke v(er)nuged syn Desse twe m(a)rk pen(ninge) Rente(n) wille(n) vnd(e) schulle(n) Jacob vnd(e) synes / erue(n) Besitte(r) den erben(anten) deken(en) vnde kemere(n) vnd(e) ere(n) nakomen(den) vpp(e) des kala(n)d(es) Behuff Alle Jarlig(es) to veertiide(n) / des Jares , alse to Su(n)te Joh(ann)is erstko(men)de to Su(n)te Mich(alis) dage(n) , to wynachte(n) vnd(e) to pasche(n) , dar neystuolge(n)de , to eyner / yowelk(en) tijd viij schill(inge) erben(anter) wer(inge) gutlige(n) vnd(e) woltodancke entrichte(n) vnd(e) Betale(n) Doch so mede Imbeschede(n) wan(ne) / Jacopp(e) vnde synes erue(n) Besitte(r) vorb(e)n(ant) , des wolgelusted moge(n) ze desse Jarlige Rente weder affkope(n) vnd(e) losen / vnde wan(ne) ze dat don willen schulle(n) ze den deken(en) vnde kemere(n) des erb(e)n(anten) kala(n)d(es) , de vorg(enanten) xxx m(a)rk pe(n)nige / houetstuls , alle , vor de Rente alle , eder de helfte dar van , vor de helffte d(er) Rente(n) mid aller Bedageden / nastendige(n) Rente(n) vul vnd(e) all entrichte(n) vnde Betalen wan(ne) dat tor nuge denn(e) also geschen ist , schal desse / Jarlige Rente alle eder de helffte dar van , na gelegenicheid d(er) affleggi(n)ge des houetstuls alse vorberord ist / qwyd leddig vnde loszsyn Des to mer(er) tuchnisse Is vnsir der Olde(n)stad Inges(egel) witlige(n) gehe(n)ged an desse(n) / Breff Na godes Bord vertey(n)hu(n)d(er)t dar na Indem(e) Twe vnde vefftigesten Jar(e) Am(e) Mandage na de(m) / Sondage alse men singed Ind(er) Hilge(n) Kerken Quasi mo(do) geniti (etc.) /