Wie Ermbrecht Schernecouw . Kersten boddenstede Tide Hanns wolters Borchard boden Otto fintzelbergh . Tide Brunow Hanns wopelde / werner ¹ wittekopp Tide Boeck Hoyer¹ berteldes Steffen Schulten Didrick lagendorppe . Mente von gawell lamberd boden Hen(n)ingk cramer Hanns / brunow Hanns rodensee vnd Claws moller . Radmanne to Soltwedell . Bekennen apembar mit dissem briue vor alszwem(e) Dat wie mit rade vnde . / fulbord alle vnnser medeku(m)pan(en) des rades old vnd(e) Jungk . rechte vnd redelken to eynem(e) r(e)chten erffkope v(er)kofft hebben v(er)koepen ock in crafft vnde / macht disses briues¹ den vorsichtigen¹ Kersten Schulten vnd Hanns buͦcstede(n) vnnsen medeborg(ere)n vorstender(e)n vnnser¹ liuen frowen kerken In der olden / Stad Soltwedell vnd(e) eren nachkomen(en) teyn margk pen(n)inge vnnsir¹ Stad weringe . Jarliker rente(n) In den tinszen renten vnd(e) guder(e)n vnnser / olden Stad Soltwedell vor twehundert margk¹ pe(n)ninge der g(e)n(a)nte(n) weringe . de vnns de genomden vorstender woll v(or)nuget vnd(e) betalet vnd wie / ford In vnnser Stad nuͦtt vnd(e) frome(n) gekard vnd(e) gewand hebben(e) Sodann(e) teyn margk pen(ninge) Jarliker rente(n) scholen vnd willen wie vnd vnnse nach/komen den g(e)n(a)nten vorstender(e)n vnd eren nakomer(e)n alle Jar to vier tiden des Jar(e)s alse to Sunte Jo(an)nis baptisten dage to Sunte michaelis dage / to wẏnachten vnd to paschen to isliker tijd bij twen pund pe(n)ninge(n) entrichten vnd(e) Betalen sunder vortoch vnd(e) wedd(er)sprake . Jodoch hebben wie / beholden den wedderkoepp sodan(e) teyn margk pe(n)ninge Jarliker renten Also wenne(n) wie edder vnnse nachkome(n) den vorschre(uene)n vorstender(e)n / edder er(e)n nachkome(n) sodann(e) twehundert margk houetstuls mit den nastellige(n) vmbetalden tinszen entrichtet vnd betaled hebben alse denn(e) / scholen vnns vnd(e) vnnsen nachkomen(en) sodann(e) teynmargk¹ Jarliker tinsze wedder qwijd vnd fri vnd(e) disse briff machtelosz wesen To / orkunde hebben wie Radmann(e) obg(e)n(a)nt vnnse der olden Stad Ing(esegel) witliken an dissen briff late(n) henge(n) Na (cristi) vnns(es) her(e)n gebord / virteynhundert Jar dar¹ na Im(e) viffvndevefftigisten Jar(e) Am(e) Mandage Im(e) Hilligen paschen(e) /