Wy Role gladegow Clawes molre ludtke holttorpe Jurgen schulte Cord woleman Hans groteyan Hans meryn vnd(e) / Hans gusseuelde Radtma(n)ne der(e) nigenstad Solt­wedel Bekenn(en) apenbar(e) tugende vor(e) alswem(e) myth dussem(e) / breue dat vor vns synt geweszen de her(e)n des lutken kalandes ahn eynem(e) vnd(e) henneke plancke vnsze / bor­ger(e) an dem(e) ander(e)n parte alzo dat henneke plancke dhonsuluest bekande he den g(e)n(a)nt(en) her(e)n des lutken / kalandes plichtich vnd(e) schuldich wer(e) vyrvnd(e)­souentich marck soltwedelscher(en) werynge welker(e) su(m)me denne / gedegedynget , geworden ys vpp(e) Soͤstich marck der(e) g(e)n(a)nt(en) wer(ynge) myth sulkem(e) bescheide Isset dat henneke / plancke ofte szyne eruen de g(e)n(a)nt(en) Soͤstich marck betalt bynn(e) teyn jaren szo scha­lme ohne v(m)me de vyrtein / marck dede synt vann(e) de sostich marck nicht mane(n) vnd(e) schol(e)n ok vnbetalt bliuen werth oüer sodan(e) / betalinge bynn(e) teyn jaren nicht schege schal henneke vorbeno(me)t offte syne eruen ofte de syne guder(e) entfan/­gende worde nha szynem(e) dode de ouertellige vyrteyn marck sun­der ye(n)niger­(e)leye behelp edder insage den / g(e)n(a)nt(en) lutken kalandes her(e)n vornog(e)n vnd(e) beta­len vnd(e) duth is aldus vorhandelet vnd(e) besprake(n) vor / Role glade­gowen vnd(e) Clawes molren de to der(e) tid borgermester(e) synt gewesen , vp dat sulke vordracht / vnd(e) wilkor(e) moge eyn besta(n)d hebben vnd(e) In so­dan(e) wesent bliuen hebben wy vnse der(e) nigenstad Inge=/segel hanghen het(e)n ahn dus­sen breff de gegeu(e)n is vnden)d gescr(e)u(e)n na Cristi vnses her(e)n geborth vyrtein/­hun­derth iar(e) dar(e) na In dem ne­gentige­sten Iar(e) des dinsdages na petri (et) pauli ap(osto)lorum /