Wie Jacob mechow Role gladegow Hans rodenseh claues moller Ludeke holttorp Hans besendal / Jurgen schulte Claues brewitze Cord woleman Hans muͤnter Harmen guden Hoiger Witte=/cop Hans groteian wilhelm wolter Hans meryn werner schermer vnd hans gusseuel=/de Radmann to Soltwedel bokennen apenbar mit dussem breue tugende voralsweme / Dat In vnser Jegenwardicheit Hans vale vnse medeborger heft vorkoft recht vnnd / redeliken to eynem rechten kope vnd vorkoft iegenwardigen In vnd mit Craft duss(es) / breues up vnd an syner boden up Sunte Nicolaues kercken an dem orde na dem / closter bolegen Gerken wittecoppen vorstendernn der g(e)n(an)t(en) kercken to Sunte Nico=/laues vnd synen nakamelingen tobehuf der bonomden kercken Eyne marck pen(ninge) / iarliker rente vnse der Stad weringe vor Twintich marck pen(ningen) der sulue(n) weringe / de om wol botalet vnd vornuget synt Sodann Eyne marck pen(ninge) iarliker rente wil / vnd schal de og(e)n(an)t(e) Hans vale vnd syner erscr(eue)n(e)n boden besitter alle iarlikes to / veer tiden des iares als to winachte(n) to pasken to Sunte Johannes dach vnd to / Sunte Michaelis dach to ichliker tid den g(e)n(an)t(en) vorstender vnd synen medeto/boscr(e)u(e)n(en) to ichliker tid vier schill(ing) pen(ninge) vnuortogert gelden vnd botalen iy doch / Dem suluen Hans(e) valen vnd syner erscr(e)u(e)n(en) boden bositter den wedderkop hir an / toboholdende Als to ichliker tid on des wol geluͮstet(e) den mogen vnd scolenn sie / dem erg(e)n(an)ten varstender vnd synen medetoboscr(e)u(e)n(en) sodan Twintich marck pen(ninge) / houetstol mit allen bodageden vnd nastendigen rent(en) In eynen Su(m)men wed/der geuͦen . vnd wan onn denn sodans wol botalet is . denn vnd nicht er sco/len Hans valen vnd syner erscr(e)u(e)n(en) boden besitter sodann Eyne marck pen(ninge) / iarliker rente wedder qwid vnd frig vnd dusse bref machtloes syn . des to / groter bokantnitz hebben wij vnse der olden Stad Ingesegel witliken han/gen hetenan dussen bref na Cristi vnses hernn gebort vierteynnhundert / vnd negentich Jar Am dage Sanctj Dionisij /