Wy Borgermester(e) vnd(e) Radmanne der olden Stad to Soltwedel Beke(n)nenn / openbar(e) mit disem brefe tugende vor vnsz vnse nakomelinge vnd(e) sust vor alszwem(me) / de ene sehn horn offte lesen werden dat in vnser jege(n)wordicheid Thomasz / amelingk vnser wandsnÿder(e) gülde man vp vnser wandsnÿder gülde gude jn dem / perwer(e) wonhafftig Den Ersamen hanse rodensze vnd(e) Jacob mecharwig dort / gnant(e)n gulden ghuldemestir(e)n vnd(e) von der gülde weg(e)n wol to danke vormuͤget / vnd(e) betalet hefft Druttig mark pen(ninge) vnser Stad weringe Dar vare der suluen / gulde vp desz gnantn Thomasz husze vnd(e) hude jn vor tijden vorwilkoret vorscre(ue)n / vnde vorsegelt weren virvnde(e) twintig schillinge jarliker rent(e)n de hie nuͮ mit den / Druttig marken gefrÿget vnde wedder affgekofft hefft vnde so de breeff vp sodan(e) / rente ludende vnd(e) vorsegelt itzund nicht isz tovindende sunder affhendich geworden / offt de sulue breeff de(n)ne nü io noch in na tijden gefunden vnde bij de hant gebracht / worden schalmen den breken vnde dem(e) suluen Thomesze sÿnen eruen vnd sijnes / huszes vnd(e) guder(e) besitt(e)re na disser tijd vnd(e) daghe nerghende vmm(e)¹ vorfengklijk / offte schedelijck sÿn Sunder gantz vnde all nuͤ hir na vnde to ewigen tijdenn / vornichtiget vnde machtloͤsz sÿn jn crafft dises brefes Des to Bekantnisse hebben / wÿ vnser Stad Secret(um) witliken hangen het(e)n an disen breeff Na cristi vnse(re)s her(e)n / gebord virteÿnhundert Jar(e) dar na jm(e) Nege(n)tigestem jare am Mandage / na Martini Episcopi