Wi Diderick allmpstede Otto vintzelberge herme listen hans werckmester Role gladegow Jacob mechow Clawes moller(e) / Jurgen schulte hans besendal Jacob aleman hoyger wittekop diderick mechow hans groteian herme chuden wilhelm / woltyr Kersten hinrikes Diderick brewitze vnd(e) Diderick chuden Radtma(n)ne to Soltwedel Bekenn(en) apen­bar(e) myt / dussem(e) breue tugende vor alswem(e) dat vor(e) vns ys geweszen vnnsze medebor­gersche Jlszebe des zelig(e)n hin(n)rick / vurschutten nagelat(e)nn wedewe hefft vor(e)­koft recht vnd(e) redelk(e)n to ey(ne)m recht(e)n erfkope vorkoͤfft ok yn crafft / vnd(e) macht dusses breues vp vnd(e) ahn er(e)m husze yn der(e) wullenweu(er)strat(e)n aldernegest hinrick le(m)men be­leg(e)n Eyne / marck pen(ninge) der(e) stadt wer(unge) der(e) demodig(e)nn ker­stynen backhu­ses vor(e) twintich marck pen(ninge) der(e) vorbenom(eden) wer(unge) / de sze ohn wol to dancke vornoget hefft dusse eyne marck pen(ninge) jarli­ker(en) rent(e)n schal vnd(e) wil Jlszebe vor­g(e)n(a)nt(e) / offte ores huszes besit­ter(e) alle jarlinges to vyrtiden des jars alzo to sunte Joha(n)­nis baptist(e)n dage to sunte michels / dage to wi­nacht(e)n vnd(e) to paschen to is­lik­er(en) tid myth vyr(e) schilling(en) pening(en) der(e) genom(eden) wer(unge) der(e) g(e)n(a)nt(en) kersti/nen offte hebber(e) dusses breues myth or(e)n will(e)n sunder(en) vortoch entricht(e)n vnd(e) be­tal(e)nn Doch szo hefft Jlsebe / vorg(e)n(a)nt(e) offte or(e)s huszes besit­ter(e) behol­den den wedder(e)kop der(e) eyne marck pen(ninge) jarliker(en) rent(e)n alszo wenn(e) / or(e) offte ohrs huszes huszes besitter(e) dat beqwem(e) is mogn(e)n sze szo­dann(e) twintich marck pen(ninge) houet­stols myth / all(e)n be­da­ge­den nastellig(e)n rent(e)n vul vnd(e) al der(e) vakenom(eden) kersti­nen ofte dem(e) hebber(e) dusses breues myth / or(e)n will(e)nn entricht(e)n vnd(e) be­tal(e)n wenn(e) denne szo­dan(e) rich­tige be­talinge geschen is scholen Jlszebe vnd(e) eres / huszes besitter(e) szo­dan(e) eyne marck pen(ninge) jarliker(en) rent(e)n wedder qwid frigh vnd(e) dusse breff machtlossz syn Dusses / to forder(en) kantnis­se hebben wi vnsze der(e) nigenstad ingeszegel hang(e)nn het(e)n ahn dussen breff de gegeu(e)n is / na cristi vnnszes her(e)n geborth vyrteynhunderth jar(e) dar(e) na in dem(e) Enevnd(e)­ne­gentige­sten jar(e) des donre/dage na jubilate /