Wy hans rodense diderick almgstede hans besendal Ludeke holtorp Otto vintzelberg h(er)man listen / hans werkmester Clawes brewitz Jacob alem hoyger wittekop hans groteiaͤn hans mu(n)ter dide/rick mechow herme chuden hans merin Kersten hinrikes werner schermer hans gusseuelde Rad/ma(n)ne to Soltwedel Bekenne(n) apenbare mit disem brefe tugende vor alszweme dat In vnser / Jegenwardicheit Anna Hans Luders zeliger nagelaten wedewe vnse medeborgerske hefft vorkofft / recht vnd(e) redelicken to eynem(e) rechten erfkop vorkofft ock In crafft dises breues vp vnd(e) an oren / erffgude to Boddenstede In dem(e) haue den nu kersten wilke bewant Albrecht bock vnd(e) syne(n) rechte(n) / eruen vnde dem(e) hebber(e) dises brefes mit sinem(e) effte syner erue(n) wille sosz scepel roggen Jarlikes / pachtes vor eluen gode genge rinske gulden de or(en) de g(e)nom(e)de albrecht Bock wol to Dancke vor/noget vnd(e) betalet hefft dise sosz scepel roggen Jarlikes pachtes wil vnd(e) scal Kersten wilkes vpgnant / vnde synes haues vnde der gnomeden Ludersken erffgudes vnder hebber offte besittere den vpgnan/ten albrecht boke vnd(e) synen medetobescreuen alle Jarlikes vp Martini bynne(n) Soltwedel bringe(en) vnd(e) / betalen Doch der genom(e)den Ludersken vnde ores erffgudes besittere den wedderkop hijr a(n)ne tobĕholden / alse wa(n)ner on dat wol boqweme isz den mogen vnde scollen sy den vpgnanten albrecht boke vnd(e) / synen medetobescreuen sodan(e) wedderkop In den achte dagen sunte Martin toseggen vnde vorkun/digen vnd(e) en de(n)ne In den achte dagen to winachten darnegest wolgende sodan(e) elffen gude gen/ge rinske gulden houetsu(m)men mit allen bedageden nastelligen pachte vul vnd(e) al entrichte(n) vnd(e) / betalen alse de(n)ne scollen der suluen ludersken vnde ores erffgodes besitter(e) sodan(e) sosz scepel rog/gen Jarlikes pachtes wedder losz qwid vnd(e) frig vnd(e) desse breff machteloß syn To orkunde / hebben wy vnser olden stad Ing(esegel) witliken hangen heten an dussen briff Na cristi vnses / her(e)n gebordt virteinhundert Jar dar na Im(e) eynvnd(e)nege(n)stigesten Jar(e) Am(e) middeweke na Lucie / virg(inis) /