Wy Hans rodenszee Diderick almgkstede Hans besendal Ludeke holtorp Otto vintzelberg Hermen lijsten / Hans werkmester Clawes brewitze Jacob alem Hoyger wittekop Hans groteian Hanß mu(n)ter Diderick / mechow Herman chuden Hans meriͤn Kersten hinrickes Werner schermer vnd(e) Hans gusseuelde Radma(n)ne / to Soltwedel Beke(n)nen ope(n)bar(e) mit disem brefe tugende vor alszwem(e) dat In vnser Jege(n)wordicheid Jlsze / herman maken nagelaten(e) wedewe vnse medeborgersche hefft vorkofft recht vnd(e) redeliken to eÿne(n) recht(e)n erff=/kope vorkofft ok In crafft dses brefes vp vnd(e) an ornd boden vor dem(e) sile bÿ Gher(e)ke hermens belegen / Hans werkemester(e) vnd(e) Dderick brewitzen vorstender(e)n der Capellen vnd(e) hospital(e)n su(n)te Jurgen vor / vnser Stad beleg(e)n vnd(e) or(e)n nakomelingen to der Capellen vnd(e) hospital(e)n behuͦff Twe pu(n)t pe(n)ninge / Jarliker rent(e)n vnser Stad weringe Vor vefftig mark pen(ninge) der sulue(n) weringe de or(e) wol to dancke / vornuͦget vnd(e) betalet syn dise twe pu(n)t pen(ninge) Jarliker rent(e)n wil vnd(e) schal Jlsze vpgenom(e)n vnd(e) orer vor=/gescreu(enen) boden besitter(e) Den erg(e)nant(e)n vorstender(e)n vnd(e) or(e)n nakomeling(e)n alle Jarlikes to vir tijden desz / Jares Alse to su(n)te Michaelis daghe to wÿnacht(e)n to paschen vnd(e) to su(n)te Joha(n)nis dage midde(n)so(m)mer(en) to ichliker / tijd Teyn schillingk pen(ninge) der erscreuen weringe sunder vartoch vnd(e) weddersprake entricht(e)n vnd(e) betalen / Doch der erbenom(e)den Jlszen vnd(e) or(e)n boden besitter(e) den wedderkoͤp hir ann(e) tobeholden(en) alse wa(n)ner(e) on / dat so wol bequem(e) isz De(n)ne moghen vnd(e) schollen sie den erbenom(e)den voͤrstender(e)n vnd(e) or(e)n nakomeling(e)n / sodann(e) vefftig mark pen(ninge) houetsu(m)men mit allen bedaged(e)n nastellig(e)n rent(e)n vul vnd(e) all entricht(e)n vnd(e) / betalen vnd(e) alsede(n)ne schollen or(e) vnd(e) orer(e) boden besitter(e) sodan(e) twe pu(n)t pen(ninge) Jarliker rent(e)n wedder loͤsz qwijt / vnd(e) frẏg vnd(e) dise breeff machteloͤsz sÿn To orkunde hebben wy vnser olde(n)stad Ing(esegel) witlik(e)n hang(e)n het(e)n / an disen breeff Na cristi vnses her(e)n gebord virteynhundert Jar(e) dar na Im(e) twe vnd(e) Nege(n)tigesten Jare / Am(e) Mandage na Dem(e) Sondage Cantate /