Wy Hans rodenszee Hans werkmester(e) Hoyger wittekop wittekop ¹ wilhelm wolter / Hans mu(n)ter Diderick brewitz Werner schermer Diderick chuden Gher(e)ke rademÿn / vnd(e) Hinrick milges Radma(n)ne der oldenstadt to Soltwedel Beke(n)nen ope(n)bar(e) mit disem / brife tugende vor vns vnse nakomelinge vnd(e) sust vor alswem(e) dat wij nach rade vnd(e) / mit wet(e)n willen vnd(e) vulbord vnser oldesten vnde wisest(e)n des Rades vorkofft hebb(e)n recht / vnd(e) redeliken vorkopen ok in crafft disses brefes in vnd(e) an den rent(e)n tÿnszen vnd(e) allen / ander(e)n vpkomen de vnser(e)n Radhuse alle jarlikes vallen werden dem(e) Er(e)nhafftigen / her(e)n Arnd ruseberg Co(m)mendist(e)n der Co(m)mendist(e)n tho den tijden vnser leuen frouwen / in der kerk(en) vnser leuen frouwen so zelige Er(e)n Nicolaus scholte vnde de sulffte Er(e)n / Arnd to den sulfft(e)n tijden bestediget vnd(e) belecht hebben vnde sẏnen nakomeling(e)n to / der comend(e)n vnd(e) co(m)mendisten behuͦff Drudde haluen guden gengen rinsch(e)n gulden(en) / Jarliker rent(e)n alle Jarlikes vp su(n)te Nicolai Dach sunder vortoch vnd(e) widdersprak / von vnser(e)n Radhuse in eẏnem(e) su(m)men toentrichtende vnd(e) tobetalende Dar var(e) de / sulffthe Er(e)n Arnd von den houet­su(m)men der Co(m)menden vns wol to dancke vornuͦget / vnd(e) betalet hefft vefftig gude genge rinsche gulden(en) De wÿ vord in vnser Stadt / nuͦtt vnd(e) fromen gekart vnd(e) gewand hebben . Doch hebben wÿ vor vns vnd(e) vnse / nakomelinge hir ann(e) beholden den widderkop alse wa(n)ner(e) vns offte vnsen nakome=/ling(e)n dat woll bequem(e) is de(n)ne moghen vnd(e) schollen wy offte sie dem(e) vpge­nom(e)d(e)n / Er(e)n Arnde offte sÿnen nakomeling(e)n Co(m)mendist(e)n , so­dann(e) vefftig gude genge rinsche / gulden(en) houetsu(m)men mit allen bedageden nach antale tijd , vnde nastellig(e)n rent(e)n vull / vnde all entricht(e)n vnde betalen Doch to behuͦff derCo(m)menden der durch bij vebli=/uende nach vnsem(e) vnde vnser nakomelinge rade so wÿ patronen der Co(m)menden sÿn / vp ander(e) gewisse rente widder tobeleggende vnde wa(n)ner(e) von vns offte vnsen / nakomeling(e)n de betalunge wuͦ vor(e)beroret is tor nuͦge gescheen is schollen vns vnd(e) / vnsen nakomeling(e)n sodan(e) drudde haluen rinsche gulden(en) Jarliker renten wedder loͤs / qwijd vnd(e) frẏg vnd(e) disse breeff machteloͤs sÿn To orkunde hebben wÿ vnser Stadt / Ing(ese­gel) witliken hang(e)n het(e)n an dissen breeff Na cristi vnses her(e)n gebord vir­teẏn=/hundert Jar(e) dar na im(e) dre vnd(e) nege(n)tigestem(e)n jare am(e) ffridage na Martini epi(scopus) ? /