Wy Diderick almpstede otto vintzelberg herme listen hans besendal Role gladegow hans werckmester clawes molre Jurge(n) schulte / Clawes brewitze Jacob aleman wilhelm wolter hans mu(n)ter Diderick mechow hans groteian herme chuden Cordt wole­man / werner schermer vnd(e) Diderick chuden Ratmann(e) to Soltwedel beken­nen apenbar tugende vor alszwem(e) myt dussem / breue dat vor [vns] is gewesen vnse medeborger heyne sinow vnd(e) heft vorkoft recht vnd(e) redeliken to eynem rechten / erfkope vorkoft ock in craft vnd(e) macht dusses breues vp vnd(e) an syner boden in der wullenweuer straten by hans nehussz / bode bolegten achte schilling pe­nni(n)ger iarliger rente vnser Stad wer(inge) den(e)n vorsichtigen Clawes molre Tide bru­now / vnd(e) Jacob schulten vorstenderen der schutten gilde vnde oren nakomelingen vor teyn m(a)rk penn(ingen) der vpg(e)n(a)t(en) wer(inge) / de se ome wol to Dancke vor­noget vnd(e) entrich­tet hebben Dusse achte schilling jarliger rente schal vnd(e) wil heyne sinow / ofte synes boden besitter . alle iarliges to ver tiden des iares alse to sunte Michaelis dage to winachten to pascen vnnd(e) / to sunte Johannis baptisten dage to isliker tid myt twen schilling penn(ingen) dersuluen wer(inge) den(e)n vorg(e)n(a)nt(en) vor­stende­re(n) / ofte oren nako­melingen sunder vortoch entrichten vnd(e) betalen Doch so heft heyne sinow vor sick ofte syner boden / besitter behalden den wedderkop der achte schilling iarliger rente alse wanner dat ome ofte syner bode(n) besitter / beqwem(e) is mogen sodan(e) teyn m(a)rk houetstols myt allen bedageden nastelligen renten den(e)n vorg(e)n(a)nt(en) vor­stenderen / ofte oren medeboscreuen ful vnd(e) al entrichten vnd(e) botalen wanner de betalinge also geschen is denne so schullen / heyne si­now vnd(e) syne medebos­creue(nen) sodaner achte schilling iarliger rente wedder qwid frig vnd(e) dusse breff / macht­los syn dusses to furder kantnisse vnd(e) wissenheit hebbe wy vnse der nigen­stad Ingesegel hangen heten / andussen breff na cristi vnses her(e)nn gebort vertemhundert iar dar na Im(e) vervnd(e)negentigestem(e) Jare am / dage Sunte peter vnd(e) pawel /