Wy Otto vintzelberg diderick almgstede hans besendaͤl herma(n) listen Role gladegow hans werckmester Clawes mol/ler Clawes brewitz Jurgen sculte wilhelm wolter Jacob alem hans mu(n)ter Diderick mechow herma(n) chuden hans / groteian werner schermer Cord wolema(n) vnd(e) Diderick chuden Radma(n)ne to Soltwedel Beken­ne(n) apenbare mit / disem brefe tugende vor alsweme dat in vnser Jegenwardicheit hans sirow vnse medeborger hefft vorkofft / recht vnd(e) redelick(e)n to eynem(e) recht(e)n erffkope vorkofft ok in crafft dises brefes vp vnde an syner boden by / dem(e) marckte vp dem(e) horni(n)ge ¹ by ludeke kock belegen hans frobosen heyne frobosen sone vnd(e) syne(n) recht(e)n / erue(n) vnde dem(e) hebber(e) dises brefes mit synen effte syner erue(n) willen twe marck pen(ninge) Jarliker rent(e)n / vnser Stad we­ring(e) vor vortich marck pen(ninge) der suluen wering(e) de om(e) de genom(e)de hans froboszen / wol to dancke vornuget vnde betalet hefft dise twe marck pen(ninge) jarliker rent(e)n wil vnd(e) scal hans / syrow vpg(e)nant vnde syner boden besitter(e) den suluen hans frobosen vnd syne(n) medetobescreuen(en) alle / Jarlikes to vir tyden des jares alse to sunte michaelis dage to winachten to pasken vnd(e) to sunte Joha(n)/nis dage middenso(m)mer to ichlicker tyd achte scilling(e) pen(ninge) der erscreuen(en) weringe sunder vortoch vnde / weddersprake entricht(e)n vnde betalen doch de(n)ne de genom(e)de hans syrow vnd(e) syner boden besitter(e) den / wedderkop hijr a(n)ne tobehold(e)n alse wa(n)ner on dat wol beqweme isz de(n) mogen vn(de) scollen sie den suluen / hans frobosen vnd(e) synen medetobescreuen(en) sodan(e) vertich marck houetsu(m)men mit allen bedaged(e)n(en) nastel/ling(en) rent(e)n vul vn(de) al entricht(e)n vnd(e) betalen alse de(n)ne scollen dem(e) suluen hans syrow vnd(e) syner boden / besitter(e) sodan(e) twe marck pen(ninge) jarliker rent(e)n wedder losz qwidvn(de) frig vn(de) dise breff machtelosz syn To / orkunde hebb(e)n wẏ vnser oldenstad Inge(segel) witlik(e)n hang(e)n het(e)n an disen breff na cristi vnses her(e)n gebord / virteinhundert jar dar na im(e) vir vnd(e) negentigest(e)n jar(e) am(e) Mandage na Bartolomei ap(osto)li(s) /