Wÿ Otto vintzelberg Diderick almgstede Hans besendal Herme lijsten / Role gladegow Hans werkmester(e) Clawes moller Clawes brewitz Jurgen schulte / wilhelm wolter Jacob alem Hans mu(n)ter Diderick mechow Herman chuden Hans / groteian werner(e) schermer(e) Coͤrd woleman vnd(e) Diderick chuden Radma(n)ne to Soltwedel / Beke(n)ne(n) ope(n)bar(e) mit disem brefe tugende vor alszwem(e) dat In vnser Jege(n)wordicheit Hans / hermens vnse medeborger(e) hefft vorkofft recht vnd(e) redeliken to eyne(m) rechten erffkope / vorkofft ok In crafft dise(s) brefes vp vnd(e) an sÿner boden In dem(e) bockhorni(n)ge ¹ by Der / kersten losekroͤstsch(e)n beleg(e)n Werner(e) schermer(e) vnd(e) Diderick schult(e)n vorstender(e)n der / kerken vnser leuen frouwen in vnser olde(n)stad vnd(e) or(e)n nakomeling(e)n to der kerkenn / behuͦff Eÿne mark pen(ninge) Jarliker rent(e)n vnser Stad weringe vor twintig mark pen(ninge) / der sulue(n) weringe de om(e) de genom(e)d(e)n vorstender(en) wol todancke vornuͦget vnd(e) beta=/llet hebben Disse Eÿne mark pen(ninge) Jarliker rent(e)n willen vnd(e) schollen Hans hermens / vpgenant vnde sÿner vorscreu(enen) boden besitter(e) Den erbenom(e)den vorstender(e)n vnde / or(e)n nakomeling(e)n alle Jarlikes to vir tijden Jares alse to su(n)te Joha(n)nis daghe to / su(n)te Michaelis Daghe to wÿnacht(e)n vnd(e) to Paschen to ichliker tijd vir schillingk / pen(ninge) der erscreu(enen) weringe sunder vartoch vnd(e) weddersprake entricht(e)n vnd(e) betalen / Doch dem(e) suluen Hans hermens vnd(e) sÿner vorscreu(enen) boden besitter(en) den wedderkoͤp / hir ann(e) tobeholden(en) Alse wa(n)ner(e) on dat wol bequem(e) sÿ de(n)ne moghen vnd(e) schollen / sie den vpgenom(e)den vorstender(e)n offte or(e)n nakomelingen sodan(e) twintig mark / pen(ninge) houetsu(m)men mit allen bedageden nastelligen rent(e)n vul vnd(e) all entrichten / vnd(e)betalen vnd(e) alse de(n)ne schal om(e) vnd(e) syner boden besitter(en) sodan(e) Eÿne mark / pen(ninge) Jarliker rent(e)n wedder loͤsz qwijd vnd(e) frÿg vnd(e) disse breeff machteloͤsz sÿn / To orkunde hebben wÿ vnser oldenstad Ing(esegel) witliken hang(e)n het(e)n an dissen breeff / Na cristi vnses her(e)n gebord virteÿnhundert Jar(e) dar na Im(e) vir vnd(e) Negentigestem(e) / Jare Am(e) Mandage na Dionisij /