Wẏ Hans rodensze Role gladegow Hans werckmestere Clawes moller Ludeke holtorpe Hoyger wittekop / Jurgen schulte wilhelm wolter Cord wolema(n) Hans mu(n)ter Hans merin Diderick brewitz Kersten Hin/rikes werner schermer Hans guseuelde Diderick chuden Gher(e)ke rademyn vnde hinrick milges / Radma(n)ne to Soltwedel Bekenne(n) apenbare myt disem brefe tugende vor alszweme dat Jn vnser / Jegenwardicheit Hans schepkow vnse medeborger hefft vorkofft recht vnd(e) redelicken to eynem(e) rechten / erfkope vorkofft ock Jn crafft dises brefes vp vnd(e) an syner boden Jn der Juden strate(n) by Jacob / steen belegen Gher(e)ken rademyn vnd(e) tilen Schermer vorstendere(n) der Capellen sunte Nicolai / Jn Vnser olden Stad vnde or(e)n Nakomelingen to der Capellen behuff achte scillinge pen(ninge) Jar/liker Renten Vnser Stad weringe vor teyn marck pen(ningen) der suluen weringe de om(e) de geno(e)mden / vorstender(en) wol todancke vornuget vnd(e) betalet hebben dise achte scillinge pen(ninge) Jarliker renten / wil vnde scal Hans Slepkow vpgnant vnd(e) syner vorscreuen boden besittere den erbeno(e)mden / vorstender(e)n vnde or(en) nakomelinge(n) alle Jarlikes to vir tyden des Jares alse to pasken to sunte Joha(n)nis / dage middenso(m)mer to sunte Michaelis dage vnd(e) to winachten to ichliker tyd twe scillinge pen(ninge) der / erscreue(nen) weringe sunder vortoch vnd(e) weddersprake entrichten vnd(e) betalen Doch dem(e) genom(e)/den Hans slepkow vnd(e) syner boden besitter(e) den wedderkop hyr a(n)ne tobeholden alse wa(n)ner / on dat wol boquem(e) isz den mogen vnd(e) scollen sie den vpgenom(e)den vorstender(e)n vnd(e) / or(e)n Nakomeling(e)n sodan(e) teyn marck pen(ninge) houetsu(m)men mit allen bedrageden Nastellingen / rente(n) vul vnd(e) al entrichten vnd(e) betalen Alse de(n)ne scollen dem(e) suluen Hans slepkow / vnd(e) syner boden besitter(e) sodan(e) achte schillinge pen(ninge) Jarliker renten wedder losz qwid vnde / frig vnd(e) dise breff machtelosz syn To orku(n)de hebbe wij vnser olden Stad Jng(esegel) witliken / hange(n) heten an dussen breff Na cristj vnses her(e)n gebord virteinhundert Jar dar Na / Jm(e) vir vnd(e) negentigesten Jare Am(e) sonauende Na Lucie virg(inis) /