Wÿ Hans rodenszee Diderick almpkstede Diderick brewitz Ludeke holtorp Otto vintzelberg / Herman lijsten Hans besendal Hoyger wittekop Jacob alem Wilhelm wolter Hans / groteian Herman chuden Hans meriͤn Diderick chuden Kersten hinrickes Gher(e)ke / rademÿn Hans gusseuelde vnd(e) Hinrick milges Radma(n)ne to Soltwedel Beke(n)nen / ope(n)bar(e) mit disem breͥfe tugende vor alszwem(e) Dat in vnser Jegenwordicheit Jacob / moller vnse medeborger(e) hefft vorkofft recht vnd(e) redeliken to eynem(en) recht(e)n erffkope / vorkofft ok in crafft disses brefes vp vnd(e) an sẏner water mollen an dem(e) Bock=/horninge vnd(e) sẏner Wintmollen vnde sẏner wintmollen buten dem(e) bockhorni(n)ger / dore beleg(e)n vnd(e) allen der sulfft(e)n beẏden mollen to behoringen dem(e) Ernehaftig(e)n / Her(e)n Nicolao louwen Co(m)mendist(e)n der co(m)menden szo Er(e)n Diderick maͤß zeleger / to den tijden vnser leuen frouwen In der kerken vnser leuen frouwen bestsdiget hefft / vnde s[yn]en nakomelingen to der Co(m)menden behuff Eÿnen wispel rogg(e)n jarliker / pachtes den de sulue Jacob vnd(e) sẏner mollen vnde tobehoringe besitter(e) dem(e) / genom(e)den her(e)n Nicolao Com(m)endist(e)n vnd(e) sÿnen nakomelingen alle jarlikes vp / su(n)te Martine Dach sunder vartoch vnd(e) weddersprake willen vnd(e) schollen ent=/richten vnd(e) betalen Dar var(en) de vpgenom(e)de Er(e)n Nicolaus Co(m)mendisten von / den gelde vnde houetsu(m)men der co(m)menden dem(e) genom(m)den Jacob moller wol / todancke vornuͦget vnd(e) beta­let hefft vnd(e) virdtegh gude genge rinsche gulden(e) Doch / dem(e) suluen Jacob moller vnde sÿner mollen mit or(e)n tobehoringen besitter(en) / den wedderkop hir ann(e) tobeholden(en) alsze wa(n)ner(e) on dat so bequem(e) isz de(n)ne / moghen vnd(e) schollen sie Den vpgenom(e)den Er(e)n Nicolao Co(m)mendisten vnde / sÿne(n) nakomelingen sodan(e) wedderkoͤp in den achtedagen su(n)te Jacobi des / grot(e)n toseggen vnd(e) vorkundigen vnde on de(n)ne in den achtedagen sunte / Martini dar negestuolgende sodan(e) virtig gude genge rinsche guld(e)n houet/su(m)men mit alle nastelligen bedaged(e)n pacht(e)n vul vnd(e) al entricht(e)n vnd(e) betalen / vnd(e) alsden(n)e schal om(e) vnd(e) sẏner mollen vnd(e) tobehoringe besitter(en) sodan(e) wispel / rogg(e)n jarlikes pacht(es) wedder loͤsz qwijd vnd frÿg vnd(e) disse breeff machtelosz / syn To orkunde hebben wy vnser olde(n)stadt Ing(esegel) witlik(e)n hang(e)n het(e)n an disen breeff / Na cristi vnses her(e)n gebord virteẏnhundert Jar(e) dar na Im(e) vijff vnd(e) Nege(n)tigstem(e) / jare am(e) Sonauende na Brictij Christi ¹