Wy Hans rodensee Role gladegow Hans werkmester Clawes moller Diderick brewitz Ludeke holtorp / Hoÿger wittekop Coͤrd woleman Diderick chuden Kersten Hinrickes Jurgen schulte Herman chuden werner / schermer Hans meriͤn Gher(e)ke rademÿn Hinrick milges Hans gusseuelde vnd(e) Diderick boeck Radma(n)ne / to Soltwedel Beke(n)nen ope(n)bar(e) mit disem brefe tugende vor alszwem(e) Dat In vnser Jege(n)wordicheit Tide / Clawes vnse medeborger(e) hefft vorkofft recht vnd(e) redeliken to eÿnem(e) recht(e)n erffkope vorkofft ok In crafft / dises brefes vp vnd(e) an syner boden vp dem(e) da(m)me by Jasper gleÿneken beleg(e)n den Ersamen Diderick / brewitz vnd(e) Hinrick milges vpg(e)nant vorstender(e)n des hospitales vnd(e) armen seken to su(n)te Jurgen vor vnser / Stad beleg(e)n vnd(e) or(e)n nakomeling(e)n to des hospitalis vnd(e) seken behuͦff Eÿn pu(n)t pe(n)ninge Jarliker rent(e)n / vnser Stad weringe vor vijffvnd(e)twintig mark pen(ninge) der suluen weringe de om(e) wol to dancke vor=/nuͦget vnd(e) betalet sÿn Dijt Eÿne pu(n)t pen(ninge) Jarliker rent(e)n willen vnd(e) schollen Tide clawes vpg(e)nant vnde / syner vorgescreuen boden besitter(e) den vorbenom(e)den vorstender(e)n vnd(e) or(e)n nakomeling(e)n alle Jarlikea to / viͤr tijden des Jares alse to paschen to su(n)te Joha(n)nis dage midde(n)so(m)mer(en) to su(n)te Michaelis dage vnd(e) to wynacht(e)n / to ichliker tijd vijff schillinge pen(ninge) der ergescre(uene)n weringe sunder vartoch vnd(e) weddersprake entricht(e)n vnde / betalen Doch dem(e) suluen Tide clawes vnd(e) syner boden besitter(en) de[n] wedderkoͤp hir vm(me) tobeholden(en) Alsze / wa(n)ner(e) id on woll bequem(e) sy de(n)ne moghen vnd(e) schollen sie den erbeno(m)md(e)n vorstender(e)n offte or(e)n nakome=/lingen sodann(e) vijff vnd(e) twintig mark pen(ninge) houetsu(m)men mit allen bedageden nastelligen rent(e)n wull vnd(e) / all entricht(e)n vnde betalen vnd(e) alsode(n)ne schollen om(e) vnde sÿner boden besitter(en) sodan(e) pu(n)t pen(ninge) Jarliker re(n)t(e)n / wedder los qwijd vnd(e) frÿg vnd(e) disse breeff machteloͤs sÿn To orkunde hebben wy vnser oldenstad Ing(esegel) / witliken hang(e)n het(e)n an dissen breeff Na cristi vnses her(e)n geboͤrd virteynhundert Jar(e) dar na Im(e) sos / vnd(e) Negentigestem(e) Jare Am(e) Mandage na Epiphanie d(o)m(ini) /