Wie Borgermeister vnd Radmann(e) der olden Stad to Soltwedell Bekennen apenbar mit dussem(e) briue tug[en]/de vor vnsz vnse nakamelinge vnd suesz voralsuem de ehn sehn horen offte lesen werden dat de werdige here / Ludolfus Verdeman To Distorp vnd Dambeke prawist et(cetera) vnse gunstige Here vnd gude frund Eyne confir/matien vnd etlike ander gerechticheyde vnnd breue de Vicarien des Altaris Sunte Bartolomei vnd der / Hilgen Drijerkonnig in der kerken vnser leuen fruwen bynnen vnser Stad bolegen bedrepende vnd tobo / Horende . dem vorgenant(en) Her(e)nn Ludolue alse dem Vicario des altares vnd den patronen vnd lehnhe=/ren Nomeliken Clawes vnd dider(i)gk brewitzen Heyne owlosen nagelaten wedewe vnd dider(i)gk mechowe(n) / de om sodann(e) lehn vnd vicarie stole gelegen hebben . vnd der patronen alle rechtenn Eruen samptli/ken vnd besunder(e)nn to truwerhand bohuff vnd rechticheyd vppe Jar vnd dach dat(um) dusses briues tho / guder vorwaringe bij vnsz vpp(e) vnse Radhusz gelecht heefft de sulffte Confirmatien breue vnd rech/ticheyde alle wij dem vorscreuen Her(e)nn Ludelue Vicario den upgenant(e)nn Patronen vnd eren Eruen(e)n / sampt vnd besunder(e)nn . wen se dat van vns esschen . sunder alle vorhinderinge gernn(e) willen [vorlatenn] / lesen vnd daroff laten auerscriffte geuen dar sie des Scrivers willen mogen vm(m)e maken . wereth / ock dat de g(e)n(an)t(en) her(e)nn Ludelff bij sijnen leuende vnd de patronen alle . vnd ere Eruen des to fredenn(e) / worden dat sie van vnsz vnd vnse nakamelinge Radma(n)nen der olden Stad Soltwedell sodane con=/firmatien vnd ander breue vnd rechticheyden wolden wedder nemen , wanner se denn(e) de samptliken / vnd eyndrechtliken van vnsz esschen vnd de Recognicien alsz dusse scriffter . der dree isz gelick Ludes / eyne bij her(e)nn Ludelue vorbestempt de ander bij den brewitzen vnd mechowen . de drudde bij der / owlosesken vnd eren Eruen . uns wedder geuen vndantworden So wij En de obgenanten Con=/firmatien vnd ander briue willen , alle gernn(e) antworden vnd ouerreyken vnd nicht er . dat wij / dem obgenant(en) h(e)rnn Ludelue . vnd patronen zo vor vnsz vnd alle vnse nakamelinge lauen(e)n / vnd reden Jn Crafft dusses briues vnd hebben des to tuchnisse vnd louen dusser Reco(g)gnitien / dree wo vorsteyt van vnsz geuen mit vnser Stad angehangeden Secrett Ingesegell vorse/gelt Na cristi vnses her(e)nn gebord vierteynnhundert Jar vnd darna Im(e) Soesz vnd Nege(n)tigesten / Am dage Margarete virginis /