Wy Role gladegow Hans Rodense Clawes molre Hans werckmester(e) Ludke holtorpe Didirick brewitze Jurgen / schulte hoyer wittekop Cord wolema(n) Didirick chuden Hans merryn Herme chuden werner(e) schermer(e) Kersten / hinrickes Gercke Rademyn Hinrick milges Hans gusseuelde vnnde Didirick boek Radma(n)ne to Soltwedell / Bekennen apanbar(e) tugende vor(e) alswem(e) dat vor(e) vnns is geweszen vnse medeborger(e) Goryes Nipage vnde / hefft vorkofft recht vnnde redeliken to eynem(en) rechten erffkope vorkofft ock In crafft desses breues vpp vn(nde) / an synem(en) husze vor(e)m syle by Hans beremans husze belegen Eyn(e) marck pen(nige) vnser(er) Stad wer(inge) Jarliger(en) re(n)te / den vorsichtigen Berent Lenyn vnnde Clawes gercken Vorstender(en) der(e) armen sunte Ilszeben kercken vnnde ere(n) / Nakomer(e)n vor tuyntich marck pen(nige) der(e) suluen wer(inge) de se ohm(e) wol to dancke vornoget vnnde entrichtet hebbe(n) / Desse vor(e)benom(e)de marck pe(n)nige Jar(e)liger(en) rente schal vnnde wil Goryes Nipage vor(e)benomet offte sines / huszes besitter(en) alle Jar(e)liges to vier(e) tyden des Jares alsze to paschen to sunte Joha(n)nis Baptisten dage to su(n)te / Michelis dage vnnde to wynachten to isliger(en) tijd myt vier(e) schillingk pen(nigen) der g(e)n(an)t(en) wer(inge) den vor(e)benom(e)den / vor(e)stender(e)n to sunte Ilszeben offte eren Nakomer(e)n sunder(en) vortoch entrichten vnnde betalen doch so hefft / Goryes Nipage vor(e)g(e)n(an)t vor sick vnnde synes huszes besitter(en) beholden den wedderkop der eyn(en) marck pen(nige) / Jarliger(en) rente alsze wanner(e) dat ohm(e) offte synes huszes besitter(en) boquem(e) is mogen sie alszodan(e) tuyntich / marck pen(nige) houetstols den vakenom(e)den vor(e)stender(e)n to sunte Ilszeben offte eren nakomer(e)n myt allen / bedageden nastelligen renten ful vn(nde) al entrichten vnnde betalen wanner(e) denne de betalinge so vor(e)beroret / geschen is schollen Goryes Nipage vnnde sines huszes besitter(e) sodaner(e) marck pen(nige) Jarliger(en) rente wedder quid / frig vnnde desse breff machtlos desses to furder(er) kantnisse vn(nde) wiss(enh)eyd hebb(e)n wi vnser der Nige(n)stad Ing(esegel) / hangen heten an dessen breff Na Cristi vnses heren gebort vierteynhundert Jar(e) dar na Imm(e) soesvndenege(n)ti/gestem(en) Jar(e) Amm(e) dage Andree ap(osto)li , /