Wy Didirick almpstede Otto vyntzelbergh Herme listen Hans besendal Role gladegow Hans werck/mester Clawes molre Clawes brewitze Hans groteyan(e) wilhelm wolter(e) Cord wolema(n) Hoyger(e) / wittekop Jurgen schulte Herme chuden werner(e) schermer(e) Hans merryn Gercke Rademyn vnnde / Hinrick milges Radman(ne) to Soltwedel Beke(n)nen openbar(e) tugende vor(e) alswem(e) myt dessem(e) breue / dat vor(e) vnns is geweszen(e) vnse mytborger(e) Hans berema(n) vn(nde) hefft vor(e)kofft recht vnnde redeliken / to eynem(e) recht(e)n erffkope vor(e)kofft ock In crafft desses breues vpp vn(nde) an synem(en) husze by Goryes / Nipagen husze belegen Twe marck pen(nige) vnser(er) Stad wer(inge) Jarliger(en) rente Der(e) tuchtigen Alheyt Jacob / horstmans zeliger(en) nagelat(e)n wedewe eren rechten Eruen offte hebber(e) desses breues myt erem(en) / guden willen vor(e) vier(e)tich marck pen(nige) der(e) vpg(e)n(an)t(en) wer(inge) de sze em(e) wol to dancke vor(e)noget vn(nde) / entrichtet hefft Desse vor(e)benomede twe marck pe(n)nige Jarliger(en) rente schal vnnde wil Hans berma(n) / g(e)n(an)t vn(nde) synes huszes bositter(en) alle jar(e)liges to vier(e) tyden des Jares alsze to paschen(en) to sunte Joha(n)nis / Baptisten dage to sunte Michelis dage vnnde to wynachten to isliger(en) tyd mẏt achte schillingk pen(nige) / der(e) suluen wer(inge) der(e) vor(e)berorden alheyd horstmans offte eren medeboscreuen(en) sunder(e) vor(e)toch / entrichten vnnde betalen Doch szo hefft hans berema(n) vor(e)g(e)n(an)t vor(e) sick vnnde synes huszes besitter(e) / beholden den wedderkop der(e) twe marck pe(n)nige Jar(e)liger(en) rente alsze wanner(e) dat eme vn(nde) / synes huszes besitter(e) boquem(e) is mogen sze sodan(e) viertich marck pe(n)nige houetstols der(e) vakeno/meden alheyd horstmans offte eren medeboscreuen(en) myt allen bedageden nastelligen renten / ful vn(nde) al entrichten vnnde betalen wanner(e) denne de betalinge szo vor(e)beroretgeschen is / schollen Hans berema(n) vnnde synes huszes besitter(e) sodaner(e) twe marck pen(nige) Jarliger(en) rente / wedder(e) quyd frig vnnde Desse breff machtlos syn(e) Dusses to furder(e) kantnisse vn(nde) wisse(n)heid / hebben wi vnser der(e) Nigenstad Ingesegel witliken(en) hangen heten nedden an dessen breff de / gegeuen vn(nde) gescreuen is Na Cristi vnses heren gebort vierteynhu(n)dert Jar(e) dar(e) Na Imm(e) / soue(n)vndenegentigestem(en) Jare Amm(e) frigdage na dem(e) sondage letare In der vasten /