Wie Otto vintzelberg Diderick almpkstede Hans besendael Herme lijsten Role gladegow Hans werckmester Cla/wes moller clawes brewitz hans groteian wilhelm wolter Cord woleman Jurgen schulte Hoijer wittecop Herme Chü=/den werner schermer hans meryn Gherke rademyn vnd(e) Hinrick milges Radmann(e) to Soltwedel bokenne(n) apenbar mit / myt dusem brife tugende voralsuem(e) Dat In vnser Jegenwardicheyt de Ersamen Otto vintzelberg Herme chuden / vpgnom(e)t vnd(e) de dogetzam Lucia zeligen Diderick mechow nagelaten wedewe hebb(en) vorkofft recht vnd(e) redelike(n) to / eynen rechten erffkope vorkoft ock Jegenwardigen in Crafft duses brifes Sodane Ewige rente vnd(e) Tynse So de / g(enan)nt(en) upp vnd(e) an Hans Jüngen vnd(e) Gherke wittekoppes huser an(e) dem(e) merkede bij der hans muntersken bole=/gen hebb(en) alse upp hans Jungen huse alle jarlikes achte schilling pen(nige) vnser Stad wering(e) vnd(e) up vnd(e) ann / Gerke wittecoppes huse Soeͤszteyenn witte ock vnser Stad wering(e) den Ersamen werner schermer vnd(e) Diderick / Schult(en) varstender der kerken vnser liuen fruwen bynne(n) vnser olden Stad dar vor onn(en) de g(e)n(an)t(en) varstender Ey=/nen g(e)n(an)t(en) Su(m)men geldes wol todancke vornuget vnd(e) botalet hebb(en) Sodan(e) achte schilling pen(nige) jarlike(r) rente scall / vnd will de g(e)n(an)t(e) Hans Junge ofte de bositter des erscrewen huses ewichliken alle jarlikes to vijer tijden des Jares / Alse to pasken to sunte Johannis baptiste(n) Dage to Sunte Michaelis Dage vnd(e) to winachte(n) to ichliker tijd Twee / schilling pen(nige) der erscreue(nen) wering(e) vnd(e) Gherke wittecop vpg(e)n(an)t(e) offte de bositt(er) des erscreue(nen) huses ewichliken sodan(e) / Soeszteÿnn witte de(r) Erscreuen varstender(e)n offte ore nhakamelingen vppe winachten sunder weddersprake vnd(e) / Jegenrede entrichten vnd(e) botalen Dusse achte schilling pen(nige) jarliker ewiger rente vnd(e) Soeszteynn witte jar=/liker ewiger rent(en) vnd(e) tynses scholen de g(e)n(an)t(en) varstender(e)n vnd(e) offte ore nakameling(en) ewichliken an der ker/ken vnser liuen fruwen upg(e)n(an)t(en) nueth vnd(e) framenn keren vnd(e) boleggen To orkunde hebb(en) wij vnse der(e) olde(n) / Stad Ingesegel het(en) hang(en) an dusen brieff Na cristi vnses Her(e)n gebord Vierteynnhundert Jar dar nha / Im(e) Souen vnd(e) vnd(e) Negentigesten Jare am(e) Sunte Johannis baptisten dage /