Wie Otto vintzelberg Diderick almpstede Diderick brewitz ludeke holttorp Hans besendal wilhelm wolter / Hans groteian Diderick chuden Kersten hinrickes werner schermer Hans gussevelde Gherke rademyn hin/rick milges Diderick boeck Claues konnigstede Hans barteldes Tide pretzer vnd(e) heyne berndes Radmann(e) tho / Soltwedel Bokennen apenbar myt dussem brife tugende voralsuem(e) dat in vnser Jegenwardicheyt Arnd / paske vnse medeburg(ere) heefft vorkofft recht vnd(e) redeliken to eynen rechten erffkope vorkofft ock in Crafft / Dusses briues up vnd(e) an synem(e) huse bij Borges fruntscop bolegen Twe marck penni(n)g(e) jarliker rente / vnser Stad wering(en) den Dogetzam(m)en Gertrud zelig(en) kersten dickmans nhagelat(e)n wedew vnd(e) Ilzebe ze=/ligen hans schult(en) von wulske nagelat(en) wedewe or(e)n Eruen offte dem(e) hebb(er) duss(es) briues mit oren vnde / orer Eruen willen vor viertich marck pen(ningen) der suluen wering(e) de om(e) wol to dancke vornuget vnd(e) / botalet syn Dusse Twe marck pen(ninge) jarliker rent(en) ¹ wille(n) vnd(e) scholen Arnd paske upg(e)n(an)t(er) offte sines erscreuen / huses bositt(er) den Ergnomeden Gertruden vnd(e) Ilseben vnd(e) offte or(e)n medetoboscreue(nen) alle Jarlikes tho / vier tijden des Jares alse to pasken to sunte Johannis baptisten dage to sunte Michaelis dage vnd(e) to wi/nachten to ichliker tijd achte schilling pen(ninge) der erscreuen weringe sunder vortoch vnd(e) weddersprake ent/richt(e)n vnd(e) botalen doch dem(e) g(e)n(an)t(en) Arnd pasken offte sines huses bositt(ere) den wedderkop hiran(e) tobo/holden also wa(n)ner on(e) dat so boquem(e) sy denne mog(en) vnd(e) scholen se den(ne) upgenom(e)den Gertrud [vnd(e)] / Ilzeben offte or(e)n medetobescreue(nen) sodan(e) veritich marck pen(ninge) houetsu(m)men myt allen bodageden nhastel/ligen rent(en) vull vnd(e) all entrichten vnd(e)botalen ² vnd(e) alsoden(ne) scholen om(e) vnd(e) sines erscreue(nen) huses besitter(e) / sodan(e) Twe marck pen(ninge) jarlikes rent(en) wedder Qwyt vnd(e) frijg vnd(e) duse brieff machtloes syn / To orkunde hebb(en) wij vnse der olden Stad Ingesegell hangen het(en) an dussen brieff nha cristi vn/ses her(e)n gebord vierteynnhundert Jar(e) dar nha Im(e) achte vnd(e) negentigesten Jare am(e) Sona/[uend / nha epiphanii salvatoris]³