Wy Otto vintzelberg Diderick brewitz Hans besendaͤl wilhelm wolter Diderick chuden werner / schermer Gher(e)ke rademyͤn Hinrick milgesz Diderick boeck vnd(e) Hans berteld(e) Radma(n)ne der oldenstadt / to Soltwedel Beke(n)nen ope(n)bar(e) mit dissem brefe tugende vor alszwem(e) dat In vnser Jegenwordicheit / de Ersamen werner(e) schermer(e) vpg(e)nant vnd(e) Diderick schulte vorstender(e) der kerken vnser leuen frouwenn / by(n)nen vnser Stad belegen vor sick vnd(e) or(e) nakomelinge In den tinszen rent(e)n pacht(e)n vnde allen anderid / vpkomen(en) des suluen Godeszhuszes de on alle Jarlikes vallen vnd(e) vpkomen dem(e) Beschedenn(e) Steffen molitzen / to Bencke(n)dorpe wonhafftig vnd(e) Greten mollersz sẏner eeliken suster(e) recht vnd(e) redeliken to eynem(en) rechten lijffge=/dinge von dem(e) ersten bette vp den latesten gentzlijk touallende vorkofft hebben on ok so vorkopen In vnd(e) mit / crafft dises brefes¹ Eynen haluen wispel roggen Jarlikeß lijffpachtes den suluen haluen wispel roggen so nü erst / vp Jacobi des groten negestuolgende erst bedaget vnd so de(n)ne vordan alle Jarlikes vp Jacobi bedaget willen / vnd(e) schollen de vpgenom(e)den vorstender(en) vnd(e) or(e) nakomelinge den genom(e)den Steffen molitzen vnde / Groten moller(en) syner suster(e) . nü vp Martini negestuolgende erst vnde so de(n)ne vordan alle Jarlikes vp / Martini sunder vartoch vnd(e) weddersprake entrichten vnd(e) betalen de tijd orer twyer(e) samptlijk vnd(e) eÿner(e) / ichliken besunder(e)n gantzen leuende von dem(e) eÿnen bette vp den latest(e)n wuͦ vorberoret isz tokomende vnd(e) / gentzlijk touallende Dar var(e) de gnante Steffen molitze den vpgenom(e)den vorstender(e) wol to dancke vor=/nuͦget vnde de gnante Grete moller(e)n samptliken betalet hebben twintig gude genge rinsche guld(e)n de / sie voͤrd In der kerken nuͦtt vnd(e) fromen gekard vnd(e) gewand hebben wa(n)ner(e) degnanten Steffen vnd / Grete de(n)ne alle beijde nach den willen godes dodeshaluen vorfallen synt schollen vnd(e) willen de vpge=/nom(e)den vorstender(en) vnd(e) or(e) nakomelinge , der gnant(e)n Steffen vnd(e) Greten vnd(e) alle orer(en) leͤffhoueden / vnd(e) alle cresten selen to hulpe vnd(e) trosten holden lat(e)n eÿne memorien vnd(e) beghengknisse nach der Kerken / wonheid Des to Bekantnisse vnd(e) mehr(er) wissenheid hebben wy vnser Stad Secret(um) witliken hangen / het(e)n an disen breeff Na cristi vnses her(e)n geboͤrd virteÿnhundert Jar(e) dar(e) na Im(e) achte vnd(e) Negentigestem(en) / Jare Ame ffridage na Conuersionis pauli /