Wy Otto vintzelberg Diderick alnigkstede Diderick brewitz Luteke holttorp Hans besendal wil=/helm wolter Hans groteian Diderick chuden kersten hinrickes werner schermer hans gusse=/velde Gherke Rademyn(e) Hinrick milges Diderick boeck Claues konnigkstede hans barteldes / Tide pretzer vnd heyne ber(n)des Radma(n)ne to Soltwedel Bokenne(n) apenbar mit dusem brife / tuge(n)de voralsuem(e) Dat in vnser Jegenwardicheyt hans mechow vnse medeburger hefft / vorkofft recht vnd(e) redeliken to eyne(n) rechte(n) erffkope vorkofft ock In crafft Duses brifes / vp vnd(e) an synem(e) huse by wilke lagendorp bolegen vnd(e) siner halue(n) houe(n) up dem(e) lock=/steder felde bolegen Den Ernhafftigen vnd(e) Ersamen her(e)n Karstiano Rademyn Diderick / brewitzen vnd(e) Hans barteldes vorweser der broderscop vnser liuen fruwe(n) in vnser olden / Stad vnd(e) oren nhakamelingen to der broderscop bohueff Twe punt penni(n)ge jarliker rente(n) / vnser Stad weringe vor Veefftich marck pe(nnin)ge der suluen weringe de em(e) wol to dancke vor/nuget synt vnd(e) botalet duse twe pu(n)t pe(nnin)ge Jarliker renten willen vnd(e) schollen hans mechow / sine Eruen offte sines vorscreue(nen) huses vnd(e) halue houe(n) bositt(er) Den erbonomeden vorweser of/fte or(e)n nakamelingen alle jarlikes to vijer tyden des jares alse to Sunte Michael(is) Dage to / winachten to pasken vnd(e) to Sunte Joha(n)nis Dage midde(n)somm(er) to ichliker(en) tyd Teyn schil=/li(n)g pe(nnin)ge der erscreue(nen) wering(e) sunder vartoch vnd(e) weddersprake entrichten vnd(e) botalen / Doch dem(e) sulue(n) Hans mechow sine(n) Eruen vnd(e) synes huses vnd(e) halue(n) houe(n) bositt(er) den / wedderkop hir an(n)e toboholden also wa(n)ner on dat wol bequem(e) sy De(n)ne moge(n) vnd(e) scholle(n) / sie den upgenomden vorweser offte or(e)n nhakamelingen sodan(e) Veefftich marck pen(ning)e houet=/su(m)men mit allen nach antale der tijd bedageden nastellige(n) rent(en) vul vnd(e) all entrichte(n) vnd(e) / botalen vnd(e) alsedenne schollen ohm(e) vnd(e) sine(n) Eruen vnd sines erscreue(nen) huses vnd(e) halue(n) / houe(n) bositt(er) sodan(e) Twe punt pen(ning)e jarliker rent(en) wedder loes qwid vnd(e) frijg vnd(e) Dusse / brieff machtloes syn To orkunde hebb(en) wij vnser oldenstad Ingesegel witliken hange(n) hete(n) / an dusen brieff Na cristi vnses her(e)n gebord vierteynnhundert jar(e) dar nha Im(e) Achte / vnd(e) Negentigesten Jar(e) Am(e) Dage der Teyn dusent Ridder /