Wie Hans werckmester Diderick brewitz Hoijer wittecopp Diderick chuden Herme chuden werner scher/mer Gherke rademyͤn Hinrick milges Diderick boeck vnd(e) Steffen wolter Radmann(e) der olden Stad / tho Soltwedel Bekennen apenbar myt dusem briue tugende voralsuem(e) dat vor vnsz gekamen syn / de Ersamen Diderick brewitz vnse Burgermester vnd(e) Hinrick milges vnses Rades madeletmaten / upg(e)na(nte) von vnsz to der Cappellen ock dem(e) hospitale vnd(e) arme seken to Sunte Jurgen gekaren gebe=/den vnd(e) gesettede vorstender vnd(e) hebb(en) vnsz vorstan laten dat etlike frome Jnnige Cristen mynsche(n) bij / sie gebracht hebb(en) Eynen g(e)n(an)t(en) Su(m)men geldes dar var sie vthmilder andacht begherende syn de sulff/ten vorstender Sodan(n)e Su(m)men upp Jarlike rente boleggen muͦchten to nuͦt vnd(e) bohueff der g(e)n(an)t(en) Ca=/pellen hospitalis vnd(e) arme seken gelẏck ander rente up wedderkop gekofft vnd(e) so vaken de affge/kofft werd wedder vnd(e) wedder boleggen So bij der Capellen hospitale vnd(e) arme seken ewich to bliuen / vnd(e) dar [vor] alle Jarlikes In der vasten bostellen willen dat Gode dem(e) almechtigen vnd(e) marien der Junc=/fruwen syner werden moder to loue eren vnd(e) werdicheyt dorch den prester vnd(e) Vicari(e)n to Sunte Jurge(n) / vnd(e) den kosster loeffliken alle auende schole gesungen werden In der Capellen dar suluest de antifona vnd(e) / werde lauesanck Salue regina misericordie (etc.) hebb(en) nu de vorbenom(e)den vorstender myt vnsen wet(en) wille(n) / vnd(e) vulbord sodan(e) geld entfangen to Sunte Jurgens behueff wuͦ vorberort isz up Jarlike rente bolecht / vnd(e) vor vnsz vor sick vnd(e) alle or(er) nakamelinge vorwilkort hebb(en) ock vor wilkoren In vnd(e) myt Crafft / duses briues dar var alle Jarlikes In der vasten alle auende willen vnd(e) scholen bostellen loeffliken / vnd(e) Innichliken In der Capellen to Sunte Jurgen In aller mathe vuͦ vorborort isz to syngende dorch / den prester vnd(e) koster den werdigen lauesanck Salue regina miserecordie to ewigen Tyden vnd(e) dar / tho schollen vnd(e) willen de prester vnd(e) koster Am(e) guden mandage up den Auent vor dem(e) / Salue regina In der Sulfften capellen Eyne vigilie vnd(e) am(e) guden Dinxdage dar negest up den mor=/gen eyne Selemissen ock singen vnd(e) boghencknisse holden vor duse vnd(e) alle de Jenne de y von an=/boghynne milde handreykynge gedan vnd(e) ore Almissen der Capellen dem(e) hospitale vnd(e) arme se=/ken gegeuen hebb(en) itzund geuen vnd(e) vm(m)er geuen werden Ock alle Jarlikes vnd(e) to ewigen tijden / dar vor de upgenomeden Vorstender vnd(e) alle ore nakamelinge van allen vnd(e) gewissen upkamen(en) pach=/ten tynsen vnd(e) rent(en) der Capellen hospitalis vnd(e) arme seken dem(e) prester achte schilling pen=/ni(n)ge vnd(e) dem(e) koster vier schilling pen(ninge) vnser Stad weringe alle Jarlikes up den guden dinx=/dach vnuortogert willen vnd(e) schollen geue vnd(e) entrichte ock to ewige tijden vnd(e) up dat sodan(e) / In ewich dechtnissevnd(e) wesende ewich moge bliuen hebben wij desz tobekantnisse vnd(e) mere wisse(n)/heyt vnser Stad grote Ingesegell witliken hang(en) het(en) an disen breeff na cristi vnses her(e)n ge=/bord Vierteynnhundert Jar(e) darnha Im(e) Negen vnd(e) Negentigesten Jare am(e) Donnerdage Im(e) / dem(e) hilgen pasken /