Wij Hans werckmeister Role gladegow Dide(r)igk brewitz Clawes moller Luteke holttorp Hoijer wittecop / Cord woleman Diderigk chuden Kersten hinrickes Harme chuden Werner schermer Hans meryn Gher=/ke rademyn(e)n Hinrick milges Hans gussefelde Dide(r)igk boeck Clawes konni(n)gstede vnd(e) Steffen wolte(r) / Radman(ne) to Soltwedel Bokenne(n) apenbar mit dussem(e) briue tugende voralsuem(e) dat In vnser Jegen=/wardicheid Hinrick wilkens vnse medeburger heefft vorkofft recht vnd(e) redeliken to eyne(m) rechtenn / Erffkope vorkofft ock In vnd(e) mit Crafft duss(es) briues vpp vnd(e) an synem(en) huse bij henneke schult(en) / bolegen(e)n Negen schilling penni(n)ge Jarlig(er) rent(en) vnser Stad weringe vor Twelff marck pen(ninge) der / suluen weringe Clawes schult(en) sinen Eruen offte dem(e) hebber duss(es) briues myt sine vnd(e) siner / Eruenn willenn de he em(e) wol dancke vornuget vnd(e) botalet heefft dusse Negen schillingh / pen(ninge) Jarlig(er) rent(en) willen vnd(e) scolen g(e)n(an)t(e) Hinrick wilkens offte synes erscreue(nen) huses bositter / dem(e) gerurt(en) Clawes schult(en) offte syne(n) medetoboscreue(nen) alle Jarlikes to vier tijden desz Jares / alsz to Sunt(e) Michael(is) dage to winacht(en) to pasken vnd(e) to Sunt(e) Joha(n)nis dage midden(en)so=/mer to ichliker tijd Twe schillingh pen(ninge) vnd(e) iij pen(ninge) der vorscreue(nen) weringe sunder var=/toch vnd(e) weddersprake gutliken vnd(e) wol to dancke botalenn vnd(e) tornuge entricht(en) doch dem(e) / g(e)n(an)t(en) hinrick wilkens offte synes huses bositt(er) den wedderkop hirann(e) toboholden(e)n alsz wa(n)ner(e) / on dat wol boqwem(e) sy denne mogen vnd(e) scolen(en) sze dem(e) vakengenomed(en) Clawesz schult(en) offte / syne(n) medetoboscreuen(e)n sodann(e) Twelff marck pen(ninge) houetstoell myt allen bodageden nastellige(n) / Rent(en) vull vnd(e) all entricht(en) vnd(e) botalen(e)n wan(ne) den(n)e de botalinge zo tornuge geschen isz / denne scole dem(e) g(e)n(an)t(en) hinricke offte synes huses bositt(er) sodan(e) Negen schilling pen(ninge) Jarliger / rent(en) wedder qwid ledich vnd(e) loesz vnd(e) duss(er) brieff machtloesz syn To orkunde hebbe(n) wie / vnse der olden Stad Ingesegell witliken het(en) hengen An duss(en) briff Na cristi vnses her(e)n / gebord vierteynnhundert Jar dar na Im(e) [negen] vnd(e) negentigestem Jare am(e) dage Inue(n)/tionis Sancte Crucis /