Ick Hans groteian In der Nigenstad to Soltwedel wanhafftich Bokenne openbar mit dussem briue tugende vor my / myne Eruen vnd sust voralsuem(e) de en sehn horen offte lesen werden dat ick mit weten willen vnd vulbord / to eynen gantzen rechtenkope vorkofft hebbe vorkope ock in vnd(e) mit Crafft dusses mynes briues dem Ersa=/men Rade der olden Stad to Soltwedel vnd or(e)n nakomelingen vnd ock dem hebber dusses mynes vnd duss(es) / nabororden brifes mit or(e)n willen Eynen vorsegelden brieff van den Duchtigen henni(n)ge vnd(e) ffrederick van Jet/ze broder(e)n up dat kroch huesz bynnen der Vese an dem(e) orde to der vorder(e)n Hand so men van Soltwedel to In/ku(m)met bolegen mit allen syne(n) tobehoringe(n) den to der tid des ersten kopes bowanende Titke firow vnd itzum=/me hansz tornow bowanet up negen scepel roggen Jarlikes pachtes mynen zeligen vader vnd(e) synen Eruen(e)n / vorscreuen vnd vorsegelt vor Twintich marck pen(ninge) Soltwedelscher weringe houedsu(m)men so de brieff Inhol=/det So dat de sulffte Ersame Raed den brieff mit den Jarliken renten vnd houedsu(m)men gentzlick heb=/ben vnd in or(er) Stad nuͦt vnd framen keren vnd wenden mogen wur id on boquem(e) sy Ick vnd(e) myne Erue(n) / willen on ock des kopes vnd(e) briues eyn recht were syn voralsuem(e) des to bekantnisse hebbe ick hans / groteian upgnom(e)t vor my vnd myne Eruen myn Ingesegel witliken hangen heten an dussen brieff de / gegeue(n) isz na Cristi vnses Her(e)n gebord veffteynnhundert Jar(e) Am Mandage des Achten dages na Epi=/phanie domi(ni) /