, we Ratman . alt vn(de) nẏe Jnder stat to Stendal . vn(de) Meynheyt . bekennen vn(de) don witlich alden de dessen Bref / Sen vn(de) horen . dat we ghelouet vn(de) ghesvoren hebben eyne ganze stede enu(n)ghe mitten Ratmanne(n) alt vn(de) nẏen . vn(de) , / Meynheyt Jnder Stat to tanghermu(n)de Jn dessen Stucken de hir na be Screue(n) stan . Dat irste dat we willen de / alde enu(n)ghe halden also se Js be Breuet . Dat ander . dat me¹ Jowelken manne helpe dat he Bi Rechte Bliue . Dat dridde / dat me Ride vn(de) kome to den dedinghes daghen . de . we bescheyden vn(de) maken . Dat v(er)de . ofte syk Jenneghe lude vnd(er) vs . / tveyden . oder sceleden dat me de vnt scheyde vn(de) vrunde . vn(de) dat ere schedinghe ghe halden w(er)de . Des So wille / we kesen vn(de) Setten tvey Ratman . vnder vns . de Scolen Riden mitten de Se dar to Setten . Svanne ennich nod . / Js desser dinghe de hir vn(de) Jnder alden enu(n)ghe sint Be screue(n) . . Vort mer . worde ennich man dar to Beschey/den vn(de) ghekoren dat he spreke des landes oder der Stede wort wat me ene heyte spreken . wolde den ennich / man dar vmme vor denken oder v(er) vnrechten den scole we vor dedinghen vn(de) Be hulpen Sin alle sines . / Rechtes . Dat we dit gans vn(de) Stede halden willen des hebbe we dessen Bref Be Seghelt mit vser Stat / Jngheseghel to Stendal . Na godes Bort dusent Jar dre hundert Jar Jn deme vier vn(de)dridtichten Jare Jn / Sunte(n) dyonisius daghe des heylighen merteller , /