We ratdman ¹ van Stend(al) Bekennen in desme opne Breue . dat / we den edelen manne Hern ẏian van Bock . eẏn here des / landes to ẏerghow . vnde to garsdow . ver laten hebben alles / vnmuͦdes de was tuschen en vnde vns . vnde willen en to allen / stunden vnde in allen steden eren vnde werden wor we mo/ghen . vnde sin ghesinde vorderen . dorch willen vnde dorch / vrunscap de he vns bewiset , vnde scheghe . dat sin ghesinde / vsen Borghe(re)n Scaden dede vnde dat se doch nicht begrepen / worden metter handachtichen dat . dat wille we em kun/deghen . eder sime voghede vnde bidden dat dat wedder / dan werde binnen ver weken . schege des nicht . so wille / we vsme stad rechte volghen . we willen em och alle iar / to ghunste vnde to vrunscap gheuen vif mark . to sunte / walburghe daghe . vnde vif mark to sunte mertens daghe / dewile dat he vns vordeghedinge vnde vorder vnde vnse / Borghere also sine breue spreken . vort mer wille we ene / vnde sin ghesinde eren vnde werden vnde vordern wor we / moghen . also hir vor bescreuen steẏt . Des hebbe we vnse / inghesegel to eẏner wẏsheit . an dessen brief ghehangen . / dat is ghescin . na godes Bort . drittenhund(er)t iar in deme / achtendritteghesten iare . jn deme auende der Heẏlighen / driuoldichgheẏt