Wy frederych vnde hennyngh vnd ¹ boldewyn brodere van der ghartowe . vnde junghe hynric van / der ghartowe . [...]² vnde Cuneke van eykstede Coppek³ bekennen vnd b(ethugen)⁴ Jn dysen opene bryue . dat wy den achba/ren ratmannen vnde den Scepen vnde der ganzen Stat tu Stendal ghelouet hebben vnde / louen in dysen bryue vntruwen . vnde myt Samender hant . dat vrederyk vor benuͦmet vn(de) / Syne brodere . Scollen ene Stede Suͦne vnde enen vrede halden . met den borgheren van Stend(al) / dy vor benuͦmet syn . vmme dat orloghe dat he hadde met h(er)toghen otten . van br(u)nnescw(ece) . dar/v(m)me dat he hadde Scaden by eme nome(n) do he sin houet man was tuͦ lindere . dyse vor benuͦme/de Sune Scal vrederik vnde sin vru(n)t Stede halden . vnde alle dy dor ene duͦn vnde laten wyl/len . vortmer were dat dy Stede vnde lant der alden marke vrederyke sine pennynghe nicht / gheuen wolden so dat met ene ghedinghet ys . Sco Scal doch dy Suͦne ganz vnde Stede bliuen . / met der Stat tuͦ Stendal . so dat vor benuͦmet ys . vppe dat dyse dink ganz vnde Stede bliue(n) / so hebbe wy vnse yngheseghele an dysen bryf ghehonghet vnde ek Coppeke van bryske loue / dit ok entruwen . myt samenderhant Stede vnde ganz tuͦ halden . den borgheren van Stendal . / myt den knapen dy vorbenuͦmet syn . vnde betughe dat myt mynen yngheseghele . Dyse / bryf ys ghegheuen na godes bort drutteynhundert yar in deme achtendrutteghesten . / iare in des hilghenkerstes auende