Wẏ szand(er) van vngesint vnde arnt pordẏz . vnde . Role / W(er)n(er) . Bekennen des dat wẏ ghededinget hebben / tusschen adame vn(de) gorman dzobel . dar ouer is ghe / weset sin suagher kuͦne walcstaf dar de selue gor/man heft ghe annamet van adame . xx . pu(n)t in der / munte to prẏmslaw vor hundert mark der wil / arnt vlasm(er) . sculte vnde iorden sin broder eẏme eẏn / recht ware sẏn . vnde heẏt ghe annamet . x . pu(n)t / in d(er) mu(n)te to kẏryz vor . l . mark . d(er) wil adam / eẏn recht ware sẏn . des scal adam , em gheuen . v . mark / to der leẏnwar tu hulpe . vort m(er) so scal adam em / bewẏsen . xxxv . mark to h(er) ẏane van bok . ¹ wert / dat h(er) ẏan gorman dat ghelt nicht louen wolde So / scolde adam dat ghelt suluen manen . Oẏck heẏt adam / den suluen gorman ghe gheuen perde vor . xxviij . mark / vmme al dẏt vor benumede ghelt . dar lat ẏch gor/man vn(de) alle mine . rechte . eruen adames borghen de / mi ghelouet hadden . vnde minen vrunden ledich vn(de) los / des hebbe wẏ . adam vn(de) arnt vn(de) iorden brode(re) ghe heẏten / vlasm(er) . gorman dat wed(er) ghelouet dat wẏ eme de / druttich pu(n)t vplaten willen suan he vn(de) sine vrunt dat / van vns eẏschen vor d(er) herscap dar wẏ dat aue heb/ben also vert des dat hẏr bi lande si vnde to so danen / steden dat wẏ tukomen moghen mochte wẏ oẏck dar / nicht to komen so scole wẏ dat vp senden mit vses he(re)n / mannen . vn(de) mit vsen breuen . vortm(er) de breue de wẏ / hebben vppe dat gud de scole wẏ antw(er)den suar he / wil . vn(de) des seluen gudes willen wẏ eme eẏn recht ware ² sẏn /