Wie Ratman der stat to stend(al) Bekenne(n) in dessem / briue dat vor vns is ghe wesen vritze Eckbrechtes / sone van den berghe vn(de) heft vns witlich ghe dan . / Dat di Ratma(n) van Ghardel(euen) eme vn(de) sine(n) bruͦde(re)n / to hebben ghe sproken . Dat si vor schoten scolden / eren hof den si hebben inder stat to Ghardel(euen) di hir / vormales hern schenken hadde ghe wesen . vn(de) heft / begheret van vns enes rechtes , efte he vn(de) sine bruͦde(re) / to rechte den seluen hof icht vrig scolen hebben vn(de) / heft vns ghe antw(or)det ene schirft ¹ in dessen worde(n) / also hir na ghe schreue(n) is . [lateinischer Text]

Hir vmme spreke / wi vor eẏn recht heft vritzo vn(de) sine bruͦde(re) desse / schrift beseghelet mit marcgreue woldemares in=/gheseghele . so schal he vn(de) sine brude(re) der vrigheyt / vn(de) des eghens ghe nẏten , also dat he vn(de) sine bruͦde(re) / van deme vorbenuͦmeden houe nicht scoten noch wa=//ken scolen tuͦ rechte . Dat dit recht is dat betuͦghe / wi met vnsem ingheseghele , Dat wi to ruͦghe an / dessen brif hebben ghekliuet . Na godes bort duͦ=/sent jar Drihundert jar in deme neghedendrittegh=/esten jare in des heẏlighen Cristes auende