We ratmanne tu stendal bekennen vnde betughen in dessen breue / dat we hebben ghedeghedinget met vseme leuen borghe(re) roleue / van bismarke . dat he heft vnder vs ghelecht vnde der stat / ghedan ander half hundert marck stend(alscher) silue(re)s vnde wicht / de scal he behalden vnde bi der stat laten de wile dat he le/uet hir vmme wamme nimt eẏn ghemeẏne scot in der / stat so scal he gheuen vor sin scot dre marck silue(re)s vn(de) / scal vri wesen sines edes . des scal me em vor draghen sche/ghe ouer dat , dat wi nemen eẏn groter schot wan eẏn meẏ/ne scot so scal rolof dun dat wi em heten so scaͦlde he sue/ren ¹ vnde scal echter sines edes vor drach sin , wolde he o=/uer nicht dun dat wi em heten . so scolde he sueren to si/neme scote like vsen ande(re)n borghe(re)n , vortmer wan ro/leues to kort wert so scole wi sinen kinde(re)n clawese rolen . / kersten . hanse . greten . vnde e(re)n rechten eruen wedder gheuen / viftich marck suan dat erste iar vmme komen is . na sime / dode echter dar na wan dat ander iar vmme kome(n) is . / na sineme dode so scole wi gheuen sinen vor benumede(n) / kinde(re)n vnde e(re)n rechten eruen viftich marck . dar na suan / dat drudde iar na sime dode vmme kome(n) is . so scole wi / echter den siluen vor benumeden kinde(re)n vnde e(re)n rechten / eruen gheuen viftich marck . Dat scole wi dun sund(er) toch / it en si mit e(re)n willen . Desse deghedinge sint gheschen don rat/manne sint gheweset . reẏner van Calue gherart noppow(e) . de / nekenoẏe ebeling . arnt pordiz role w(er)ner . heẏno bucholt / iordan vlasmeng(er) . sand(er) van vrigeling hen(er) miltart . conrat sinuok / nicola(us) bismarck . na godes bort drittenhundert iar in deme ne/ghe(n)drittegest(en) iare in vs(er) vrowe(n) aue(n)de also se to hemele vur