Ich adam van grabow . Henneke hake . Hans van lezeke / arnt billenw(er)de . claws van bismark . Arnt vnde Jordan / vlasmeng(er) . brodere . vnde kort hẏdde . Bekennen des dat / wie de tvintich iar der muntie to Stendal . de vs ghe/leghen is , laten vnde laten scun ¹ vor der herscap den seue(n)/nen de hir na be screuen stan . dat willekore wie hir // vor deme Sittenden rade kort hidden . arnt vlasmeng(er) . de=/me sculten . arnde van pordẏz . hinric vranken . Ebe/linge . Role w(er)nere , vnde claws bismarke . svanne wẏ / des che eschet w(er)den van den suluen vor benomeden / luden . hir vmme dat se louen vor vs . hern Gheuerde / van aluens(leuen) vor dusent mark Stendelsches siluers / vnde wicht De suluen seuen vor benomeden lude / de scun ok behalden des seluen gudes ses hund(er)t mark / in eren weren . to der beredinge der dusent mark / vort mer worde dar ienich brot an . oder ienigher/leẏie not . dat wi des vor benumeden gudes nicht / bereden konden eder mochten . So Scolde wi de we/re rumen sunder allerleẏge weder spraͦke . Dat / wil ich alheẏt adames husvrowe Stede vnde gans / halden . vnde wilkorit och vor deme Sittenden rade / vppe dat . dat ich adam . vnde ich arnt vlasmenger / de Sculte vnde vse vrunt den de jare gheleghen / sin vse vrunt be waren willen . de vor vns ghelo/uet hebben . So antwerde wẏ den ratmannen vse / breue vnde vse hantveste den to hulpe to behal/dende vnde to bewarende . Scheghe ock dat . dat / Se vntlestet worden van deme louede der / dusent mark So scun de vor benomeden met vns / gan . to den ratmannen vnde bidden se dat se vs / de breue wedder antwerden . dat scun se gh(er)ne / dun sunder weder sprake