wie don witlich iuwer wisheit . dat die / Ratman von tangh(er)mu(n)d(e) met den meẏsteren der . ghulden na / w(o)lbort ¹ der menheẏt in der bursprake hebben ghe wilkoret / dat sie wolden heghen eẏne weẏde dor nut der stat . die weẏ=/de hegheden de ratman . vortmer² duchte den ratmannen / dat it der stat euener queme dat de mes in der stat / queme uppe den acker der stat . denne dat me ene / uter stat vore . vnde wilkoreden dat mit den guldemeste=/ren in der bursprake dat den mes neman vter stat vor/kopen scal . Desse stucke die hebbe wie ghe holden vnde hol=/den se noch . des is ghe komen eẏn vser burghere vnde heft / ghe sproken vor deme sittenden Rade dat wie eme in desse(n) / stucken vnrecht hebben ghe dan vnde willen ene eẏghen / maken . Des dunket vs dat he vs spreke vp vse ede . Des / bidde wi vnde . varghen eẏnes rechtes . uft he dar ich ane bro=/ken hebbe vnde wat . sin ghe broke si vn(de) an weme he ghe / broken hebbe . hir vp spreke we radma(nne) to stendal vorbenomet / vor eẏn recht moghe gi des vol komen metteme sittenden stule des rades dat juwe borgh(er) sproken heft vp juwe / ede so schal juwe borgh(er) de vp juwe ede sproken heft jowel=/kem radma(n) sine bote gheue(n) de is jowelkem radma(n) sessen=/drittich schillinghe . dat id recht si dat bethughe we met / vsme ingheseghel . datu(m) anno d(o)m(ini) CCCX p(ri)mo fe(stum) feria reminiscere