We frederick mautner . des marcg(re)uen van b(ra)ndenb(ur)g houemeẏst(er) vn(de) her jan van / buͦck . here tuͦ garzdow(e) vn(de) h(er) Conrad van widenb(ur)ghe vn(de) ghereke wlf , houe / richt(er) . des marcg(re)ue(n) van b(ra)ndenb(ur)g . bekenne(n) vn(de) bethughen in des(e)me breue . dat we / intruwen . met samder hant ghelouet hebben vn(de) loue(n) in desme breue den wisen / luden den schepen . vn(de) den Radmannen . vn(de) den guldemeyste(re)n der stad tuͦ stendal , dat vnse / here de marcg(re)ue van b(ra)nd(enburg) vn(de) sine Radgheue(re) nu(m)mer scolen dedinghen jennegherleye / ding met godeschalke van yergow(e) vn(de) met ghisen van schadew(e) . de dar het vppen / stẏghe vn(de) met hanse buͦck . vn(de) dat he vn(de) sine Radgheue(re) se nu(m)mer scolen vte der / vengnisse laten dar se nuͦ inne sin . jt en sẏ met wille(n) vn(de) volbord vn(de) witscap / der vorbenomeden schepen vn(de) Radma(n)nen vn(de) ghuldemeyste(re)n van stendal . desse vor/bescreue(n) dedinghe vn(de) louede wil we dessen vorbenomeden luden schepe(n) . Radma(n)/nen vn(de) ghuldemeste(re)n tu stendal stede gans vn(de) wast holden sund(er) allerleẏge arghe/list dat loue we en intruwen met samder hant dat bethughe we met vnsen Jn/gheseghelen . vn(de) we(re)t ock dat vses etlikes ingheseghele in dessen bref . nicht ghe/henghet worde dat schal in desme louede nicht hinde(re)n . desse bref js ghegheue(n) / tu stendal Na der bord godes dritteẏnhundert jar vif vn(de) v(er)tech jar des manen / daghes vor sente merstens daghe des hilghen biscopes