vn(de) antw(er)den wat der stat ghe vallen . vn(de) sueren dat se in / de me iare . dat denne wech is . erer bruͦderscap . vn(de) der stat / rechte ghe dan hebbe(n) . alse ere breue spreken . Vortm(er) we / ghe koren wert tuͦ eneme nige(n) vormu(n)de . lecht he sick / dar weder . de mach sick losen in deme iare met teẏn schilli(n)ge / Storue ock der vormu(n)de(re) eẏn af . ere sin iare v(m)me queme wat / vruͦ . also . dat der bruͦderschap duchte . dat de tẏd tuͦ lang were / dat eẏn vormu(n)der alleẏne dat dinck nicht vor stan ku(n)de so scal / me in deme suluen daghe . wan de dode vormu(n)de(re) begraue(n) is . / efte vp eẏn ander tẏd wa(n)ner me wil . eẏne(n) ande(re)n kesen . Vortm(er) / in der suluen weke . wa(n)ne nige vormu(n)de(re) ghe koren sint . so / schal me alle elenden sẏlen beghan . vn(de) denken alle der in desser / bruͦderscap ghe storuen sint . also alse me des over eẏn drecht / met der ghansen bruders[cap] wuͦ ghot . vn(de) de heẏlighe gheyst / dat w(er)ket . vn(de) an wiset . ,, Vortm(er) wan desse bruͦderscap morghe(n)/sprake bequeme is . de schu(n) de vormu(n)de(re) eren brude(re)n laten kundeghe(n) / we dar nicht en queme . vn(de) eme ku(n)deghet were . de scal bete(re)n / met vir pe(n)ni(n)gen . it en were also . dat he sick met redeleken / saken muͦchte vntsculdeghen . queme ock van eme hische erer / eẏn tuͦ der morghe(n)sprake . edder tuͦ der bigraft . edder tuͦ der / villige . sin ku(m)pan , bleue ane broke . We auer dre morghe(n)sprake / tu samene eẏn na der andere(n) homuͦdeleke . vn(de) vreueleke vor/sumet . deme scalme de bruͦderscap vntdeẏlen . Vortm(er) we met / worden . edder met w(er)ken bruder edder sust(er) in desser bruderscap in / der morghe(n)sprake . edder in erer samenige oͤvel handelde . edder dat / he sick vor sumede met overvluͦticheit . de scal bete(re)n met eyme / schillinge . vn(de) wat nuͦt vallen mach in dessen stucke(n) , de hir vor/bescreue(n) stan . dat schal de bruͦderschap met der stad like deẏlen . / wat auer van nuͦt velt . in dessen stucken . de hir na bescreue(n) stan . / vn(de) almessen de der bruͦderscap . vn(de) den elenden ghe gheue(n) w(er)den / dat schal de brud(er)scap alle behalden alleẏne . Vortm(er) wat de / vormu(n)de(re) in der morghe(n)sprake van broke verlaten . des schu(n) se / vulle macht hebbe(n) . Vortm(er) wanne we vt desser bruͦderscap ver/steruet . so schu(n) al de . de tuͦ der bruͦderscap horen ere spende senden // in dat hus . dar dat lick in is . dat hẏsch eẏn scherf . vn(de) de(n) / enlopeghe minsche eẏnen helling . we sick dar an ver sumede / der schal bete(re)n met twen pe(n)ni(n)gen . vn(de) van desser spende . / schal me tuͦ voren af nemen ses pe(n)ni(n)ge den lichten / tuͦ hulpe . we ock nicht en kumpt tuͦ der villige de / scal bete(re)n met eẏme pe(n)ni(n)ge . vn(de) we de bigraft versumet . de scal bete(re)n met twen pe(n)ni(n)gen . it en si . dat it em redeleke / sake beneme . Ock ghu(n)ne we . dat desse brud(er)scap hebbe vn(de) / keͥse in iowelkeme verndel der stat einen vrome(n) man . de / in den parren den elenden bidde . Vortm(er) scal desse bruderscap / deme rade . vn(de) den ghulden horsam sin . vn(de) scal en met rade . vn(de) / met dade i(n) allen saken behulpen sin met ghuden truwen . wa(n)ne / me dat eẏschet . wan des nicht en were . so heft de rad macht / desse bruderscap wedd(er) nedder tuͦ leggende . Wer ock eme(n)t in / desser brud(er)scap . de deme rade . vn(de) den vormu(n)de(re)n in desser bruͦder=/schap vnhorsam vn(de) wedder wolde sin . den scal de ghanze bruͦ=/derscap met hulpe des rades . vn(de) met hulpe der guldemest(er) van / allen gulden vromeleke sturen . Vortmer ku(n)de desse bruͦd(er)schap / icht nuttes irdenken . dat ghode . vn(de) sente peter . vn(de) alle ghodes / heylighe(n) erleke were . vn(de) alle elenden sẏlen . vn(de) vnser stad / vromeleke vn(de) nutte we(re) . Dat schu(n) de vormu(n)de(re) bringe(n) an de / ratma(n)ne . Du(n)ket dat de(n)ne deme rade ghut . vn(de) nutte wesen . / Dat moghe(n) de ratma(n)ne met vulbord der guldemeste(re) . vn(de) vnser / meẏne(n) borghe(re) vortghanck laten hebbe(n) . Tuͦ eẏner wisser bewi=/singe . vn(de) openba(r)e betughinge alle desser ding hir vor bescreue(n) . / is vnser stad grote ingheseghele ghe hangen an dessen bref . / Jn deme iare don radman(n)e sint ghe wesen . desse erbar lude . / he(n)nig borstal . ju(n)ge . he(n)nig nẏgehof . pouwel vedd(er) . ha(n)s budelmek(er) . / thẏd(er) kruse . allard van dobberkow(e) . he(n)nig suechte(n) . thẏd(er) mersan . / hinr(ik) suechte(n) . Le(m)me noẏge . hinr(ik) vrouden . Vormu(n)d(ere) i(n) der bruͦd(er)=/scap sint ghe wesen . desse erbarlude . Lambrecht krem(er) . vnde / claus natheheide . Alder lude sint ghe wesen . desse twe erbar / man . slẏtt(er) plenzeke vn(de) beteke ma(n)sveld . Desse bref is ghe gheue(n) . / na der bord ghodes . drutteẏnhu(n)dert iar . in deme ses vn(de) virtegheste(n) / iare . Jn sente peters , vn(de) sente paules daghe des heẏlighe(n) apostol