Wẏ ratlude der stat to stendal Bekennen vn(de) Betugh(e)n openbar Jndisme Jegenw(ar)digh(e)n / Briue dat wẏ mit rade vn(de) fulborde vnsir ghuldemest(er)e vn(de) vns(ir) wisesten Borg(er)en vor/koft hebb(e)n ¹ vnsin truwen Borg(ern) clause von Bismark vn(de) sinen rechten eruen ene mark Br(a)nd(enburgher) / suluers Jaricher rente vor elf mark Brand(enburgher) suluers enes halues virdunges min / vor sinen solt den hi vns(ir) stat ane vordinet hadde vn(de) di mark sulle wi alle Jar / von vnsen rathuse gheuͦen intwen tiden to suͦnte mertens daghe ene halue mark / vn(de) to sunte wolb(erghe) daghe ene halue mark vn(de) sull(e)n ok ansime scote dat ghelt ane / sclan ofte hi oder sine ercen dat eẏsch(e)n wan sik dat ghebored ok bekenne wi dat / di ratman di mark gheldes wedder mogh(e)n kopen vor elf mark enes halues vir/duͦnghes min wan si will(e)n Jn ener tugnisse desser dingk hebbe wi vnsir stat / grot Jngeseg(el) an dissen Brief laten henghen dar dat luͮtteke is to ruͦgge anghedruͦc/ket d(o)n ratman sin ghewesen Conr(ad) hiddo arnd kuͦne ghẏso von scadew(e) alard / dobberkouͮ derneuiz henneke swechten ger(d) hoghe heẏno swechten claus swechten / conr(ad) goltsmed kerstien plouiz vn(de) arnd bucholt² vnde is ghegheuen na gots / bord dritteẏnhundert Jar Jndeme en vn(de) veftigesten Jare Jnsuͦnte Lambrechtes / daghe³