Wẏ di ratlude der stat to stendal Bekennen vn(de) Betugh(e)n In disme Indis ¹ Jeghenwdigh(e)n / Briue Dat wẏ mit fulborde vn(de) rade vnsir ghuldemeste(re) vn(de) vnsir wisesten Borge(re) vor/koft hebb(e)n vnsen truwen Borge(ren) he(n)neke swechten vn(de) sinen rechten eruen dri mark virdehalue mark ² / Brand(enburgisches) suluers mu(n)te vn(de) wicht Jaricher rente vor vif vnde ³ drittich mark vor den scaden . / den hi nam(en) Bi zizil von vnsir stat wegh(e)n aldus dane wis als hir na bescreuen / steẏt To deme irsten male dat di ratman alleiar⁴ vpnemen scol(e)n den tins von den gherwe(re)n / na der hil(ighen) ⁵ himmeluard vnsirs herren vn(de) na sunte michils daghe als di tins velt / vn(de) von den tinse scol(e)n di ratman he(n)neken swechten oder sinen rechten eruen di dri⁶ virdehalue / mark gheuen alleiar⁴ in twen tiden jo tuͦ der tit anderhalue mark vnde enen virdinck ⁷ Brand(enburgischen) suluers sunder / allerleẏe hinder vn(de) vortoch vn(de) were ok dat in den twen tiden alleiar ⁴ von den tinse als / vele nicht enqwime oder vile dar man di dri ⁶ virdehalue mark ane Bereẏden muͦchte so / scolden di ratman von deme rathuse in den twen tiden he(n)neke swechten oder sinen / rechten eruͦen di dri ⁶ virdehalfe mark Bereẏden von der stat ghüde wor dat an deren ane ⁸ wile were ok / dat di ratman di dri⁶ virdehalue mark wedder wolden kopen dat scolden si he(n)neke swechten / oder sinen rechte eruen to vorne en verndel jares seggen vn(de) scol(e)n den des wed/der kopes der drier anderhalue ⁹ marke vn(de) ane¹⁰ vor drittich vn(de) vife¹¹ mark oder der anderhaluen mark vn(de) enen vor / vefteẏn mark vn(de) driddehalue gantze macht hebb(e)n vn(de) were ok dat he(n)neke swechten oder sine / rechte eruen Benodiget worden also dat si di dri ⁶ virdehalue mark muͦsten laten oder vor=/kopen dat scolden si den ratma(n)nen eẏn verndel jares to vorne laten weten / ere si dat ghüd ẏmand anders veẏle Boden vn(de) Bereẏden di ratman si den / nicht mit redeme ghelde darna indem irsten verndel so scol(e)n si dat ghuͦd vor/kopen anders war . war si mogh(e)n sunder papen vn(de) gheystleken luden vn(de) we/me si den di dri mark Jaricher rente vorkopen den scolen wẏ susdane / Briue gheuen sunder papen vn(de) gheystleken luden vn(de) dar mede scolen / desse Briue ledich vn(de) los sin In ener tugnisse desser dingk hebbe wi ¹²