[...] mit vnsin groten Inseg(el) laten vorsegeln dar dat luttek(e) is to ruͦgge / anghed[drugget] vn(de) ratman sin duͦn ghewesen Conr(ad) hiddo arnd küne ghẏso wẏ/nek(e) alard von dobb(er)kouͦ he(n)ni(n)g derneuiz he(n)neke swechten gher(d) hoghe heyno swech/ten conr(ad) gholtsmed claus swechten kerstian ploniz vn(de) arnd Bucholt vn(de) is ghe / geuen na gots Bord dritteẏnhundert Jar Jndem en vn(de) viftichesten ¹ Jare in suͦnte / Michils auende /

wẏ di ratman der stat to stendal bekennen vnde betugh(e)n Jndisme Jegenw(ar)digh(e)n briue dat / wi mit rade vnde fulborde vnsir ghildemeste(re) vn(de) vnser wisesten borge(re)n vorkoft / hebb(e)n vnsen truwen borge(re)n hanse Juͦngen vn(de) sinen rechten eruͦen ses mark brand(enborgeschen) suluers / mu(n)te vnde wicht Jaricher rente vor sestich mark vorden scaden den hi uan bi zizil von / vnsir stat wegh(e)n aldus danewis als hir na bescreuen steẏt to den irsten male dat di rama(nne) ² / alle iar des vridaghes vor mitfasten von den sundaghe als man singhet letare ihe(su)m / vpneme(n) scol(e)n den tins von den wantmekeren to stendal vn(de) scolen alle iar von den / suluen tinse bereẏden Hans Juͦngen oder sinen rechten eruͦen di vorgen(anten) ses mark / sunder allerleẏe vortoch vn(de) hinder were ok dat Jnden vorgen(anten) vridaghe von / den ergenanten tinse nicht so vele qweme oder vile darman en oder sinen / rechten eruen di ses mark gentzlik ane Bereẏden muchten so scol(e)n di ratman / vpden vorgenanten dach Jo ene bereẏden di vorgen(anten) ses mark oder sinen rechten / eruen von der stat ghuͦde wordat anders war ane vile were ok dat di ratma(n) / di ses mark wedder wolden copen dat scolde(n) si hanse Juͦngen oder sinen / rechten eruen en verndel , iares to vorne seggen vn(de) scolen den der ses mark / wedder to kopende vor sestich mark oder drier marke vordrittich mark gantze / machthebb(e)n wer ok dat hans Juͦnge oder sine rechte eruen benodiget werden / alse dat si di vorgenant(en) ses mark muͦsten vorkopen dat scolden si den rat/mannen en verndel Jares to vorne laten weten ere si dat ghud oder di ses / mark ode ³ renten anders ẏmande veẏle Boden vn(de) bereẏden di ratma(n)ne ene / oder sinen rechten eruen dar na in den irsten verndel den nicht sestich mark / des vorgen(anten) suluers vordi ses mark rente oder drittich mark vordri mark . / der vorgen(anten) renten so scolde Hans Juͦnge oder sine rechte eruen di ses mark / renten vorsestich mark oder dri mark vordrittich mark anders wor vorkop(e)n / wor hi oder sine rechte eruͦen kuͦnden vn(de) muchten sunder papen vn(de) sunder / gheẏstliken luden vn(de) weme den Hans Juͦnge oder sine rechte eruen di vorgen(ante) / rente vorkopen den scole wi aldus dane briue gheuen vorsegelt sunder papen / vnde gheẏstleken luden sunder hinder vn(de) wedder sprake vnde darmede / scol(e)n disser briue ledich vn(de) los sin Jnener tuͦgnisse (etc) [lateinischer Text]