Wyͤ . Thideke van wultitze . vnd Cone van wultitze He(n)ni(n)ges soͤn van wultitze knapen Beke(n)nen vnd Betughe(n) oppe(n)bare / vor alle den Jhenen de dessen Brẏf seen . odder lesen horen . Dat wẏ met wolbedachtem muͦte . met Rade vnd met / vulborde vnser frunde . redeleken . vnd rechtleken hebben vor koft . vnd hebbe(n) vp ghelaten . vor vnsen heren den Marg=/greuen . den Bescheẏden manne Thẏdeken scharthowe Borgher to stendal . vnd synen rechten eruen . so dane gud Jarlike / pleghe . vnd Rente . de dar lecht in deme dorppe to hoghen wultitze . alse hir na bescreven steyt . Jn Coppen berchten hove . / dat druddendeẏl van eẏner marcke B(ra)nd(enburgeschen) sulu(er)es . vnd in deme seluen houe . dat druddendeẏl der Beden alse drẏ schilli(n)=/ghe . vnd eẏn scherf Brand(enborgescher) pe(n)ni(n)ghe to svnte wolborghen daghe . vnd also vele pe(n)ni(n)ghe to svnte Mẏchils daghe vnd / dat druddendeẏl van twen schepel rogghen . vnd dat Druddendeẏl van twen schepel ghersten . vnd dat druddendeẏl van / vyͤr schepel haueren fredeleken . vnd erfleken to eẏme rechten lene to hebbene . vnd to besittende sunder allerleẏge hẏnder vnd / arghelẏst . Desse vorscreuen Jarlẏke pleghe vnd Rente schalman alle Jarlẏkes . to rechter tẏd . vt den vorbenomeden hove / Thẏdeken scharthowen . vnd sẏnen rechten eruen . met guden korne . vnd met guden pe(n)ni(n)ghen Bereẏden . vnd Betalen in / der stad to stendal . svnder allerleẏge hẏnde(re) . vnd ane vortoch . vnd willen en . vnd sẏnen rechten eruen desses vorscrevene / gudes eẏn recht gheware sẏn vor allerleye ansprake . Hẏr ouer hebben gheweset to tughe . de wẏsen manne , Thideke . Cone . / vnd arnt Brudere gheheẏten van wultitze . vnd Otte scharthow Borgher to stendal . vnd volemer guder lude de wol tughes / werdich sẏnt . Dat wẏ alle desse vorschreuene stucke desses bryues . vnd eẏn ẏslich Bẏ svndern . stede . vnd ghantz vntobroken / halden willen . hebbe wẏ vnse Jngheseghele . met hern Bartholdus Jngheseghel prẏster gheheẏten van wultitze met recht(er) / witschap to tughe an dessen Brẏf laten henghen . De ghe gheuen is Na Goddes ghe Bort Drutteẏnhvndert Jare Jn de=/me sesse . vnd Sestighesten Jare . an deme heẏlighen daghe . der heẏlighen hemelvart vnses heren ihesu (cristi) /