Jk her kersten Ridder kersten knape veddern geheiten de Bosel sakwolde(n) desser na besc(re)ue(n) / Schult beke(n)ne(n) . thuͤge(n) . vnd do(n) witlik indess(em) open briue alle(n) guͦde(n) lude(n) . de en seen . hore(n) , lesen / vnd vor nome(n) dat wi schuldich sint rechter schuͦlt , Salmon , Smahel Juͦde(n) thuͦ stendal . vnd / ere(n) rechte(n) erue(n) . virtich m(a)rk br(a)nde(n)b(ur)g(ischen) sul(ue)r(s) stend(alschen) wicht , de wi em scole(n) vnd wille(n) bereide(n) . / thuͦ guͦde suͦnder hinder oder vortoch , thuͦ stendal nuͦ thuͦ dess(en) negesten thuͦ komende(n) vͦt gande(n) / wynachte(n) . mid rede(m) sulu(er) , oder mid nuͦgaftige(n) pande dar se ere sichre mede neme(n) moge(n) thuͦ / kriste(n) lude(n) oder thuͦ yode(n) vnd vort thuͦ do(n)de alse pandes recht is , vnd we(re)t ok dat wẏ de virtich / m(a)rk nicht buͦrede(n) vppe de vor sc(re)ue(n) tid so scole wi thuͦ der weke(n) vor ewelke m(ar)k g[he]ue(n)¹ eyne(n) / grossen thuͦ wuͦker dit loue ik her kerste(n) . Ridder . vnd kerste(n) knape veddern [vnd] ¹ sakwolde(n) / vore sc(re)ue(ne) , vnd vse erue(n) . mid vsen medelouern , alse hans von pedichstorpe de alde [Arend] ¹ vege / kruͦghen , vrytze von buͦst , hans kore , vnd Sabel von kony(n)gesm(a)rke , inguͦde(n) [truw]e(n) ¹ mid . / sameder hant , Salmon Smahel Juͦde(n) thuͦ stendal vnd ere(n) rechte(n) erue(n) suͦnder [ien]ig(er)leie ¹ / argelist , hulperede . oder hindernisse vnwandelike(n) thuͦ holdende(n) , des thuͦ eyner grot[e(ren)] ¹ bewisinge / So hebbe wi alle vse Jng(eseghele) mid guͦde(n) wille(n) vnd vuͦlbort henge(n) late(n) an dess(en) [brif] ¹ de / geue(n) vnd sc(re)u(en) is nach godes Bort drutteyn huͦndert Jar dar na indem [...] ¹ vnd / Seuentigeste(n) Jare des sendages vor lawernci