Wẏ Thideke vnd Coneke van wultitze brode(re) . Coneke(n)s sone van wultitze knapen / Beke(n)nen . vnd Betughen oppenbare . vor alle den ghenen . de dessen Brief seen . edder / lesen horen . Dat wy met wolbedachte(m) muͦde met Rade . vnd met vulborde . vnser rechte(n) / eruen . vnd vnser vru(n)de redeliken . vnd rechtleke(n) hebben vorkoft . vnd hebben vp ghelaten / vor vnsen heren den Marggreuen . deme bescheẏdene manne . Thideken Schartowen / borgher to Steyndal . vnd synen rechten eruen sodane gud Jarlike pleghe vnd Re(n)the / de dar lecht in deme dorppe to hogen wultitze alse hir na bescreuen steyt . Jn Coppen / berchten houe . dat drudden deẏl der beden . alse drẏ schilli(n)ghe . vnd eẏn scherf brande(n)/burgescher pe(n)ni(n)ghe to Su(n)te walburghen daghe . vnd also vole . brande(n)burghescher pe(n)ni(n)=/ghe . to sunte Mẏchils daghe . vnd dat drudden deẏl . van Twen schepelen rogghen . / vnd dat drudden deẏl . van Twen schepelen ghersten . vnd dat drudden deẏl . van vẏr / schepelen haueren fredeleken . vnd erfleken . to eẏnem rechten leene to hebbende . vnd to / besittende zu(n)der allerleige hindere vnd arghelẏst . Desse vorscreue(n) Jarlike pleghe vnd / Renthe . schalman alle Jarlikes To rechte(n) tẏden . vt den vorbenomede(n) houe . Thideke(n) schar/towen . vnd zinen rechten eruen . met guden korne . vnd met ghuden pe(n)ninghen bereẏden / vnd betalen in der stad to Steẏndal . zunder allerleige hindere . vnd ane vortogh . vnd wẏ / vnd vnse erue(n) sullen vnd willen Thideken schartowen . vnd zinen rechte(n) eruen . desses / vorscreue(n) ghudes rechte ghewere zin vnd wesen . nuͦ vnd to allen tyden vor alle ansprake ¹ / Hẏr vore heft vns . Thideke schartow ghegheuen vnd betalet an redeme suluer . ses marck / brande(n)burg(eschen) sulue(re)s . wichte vnd ghewere . de altomale i(n) vnse nuͦd . vnd i(n) vnser eruen / vromen ghekeret zint . Alle dessevorscreue(n) stucke desses brẏues . vnd eẏn ẏowelk bẏ sunde=/ren hebbe wẏ . Thideke . vnd Coneke brode(re) gheheẏten van wultitze ghelouet . vnd louen de / i(n) guden truwen . vor vns . vnd vnse rechte eruen . Thideken schartowe(n) . vnd zine(n) rechten / eruen . stede vnd ghantz to holdene zu(n)der allerleẏge arghelist . Met orku(n)de desses bryͤues / dar wẏ vnse Jngheseghele . met rechter witzschap . vnd to tughe an hebbe(n) laten hengen . Hir / ou(er) hebbe(n) gheweset . to eẏner merer Beka(n)tnisse de wẏsen manne . Enghel ghu(n)ter . Coppe / storbeke . voltze noppow . Thideke wultitze . vnd Hans schartow . borghere to Steẏndal / vnd volemer ghuder lude . de wol Thughes werdich zint . Ghe gheuen . na Ghoddes Bort / Dusent Jare . Drẏ hu(n)dert Jare . Jn deme souen vnde Soue(n)tighestem Jare . Jn Su(n)te Mathẏ=/as daghe des hilgen apostels /