Ik ghereke nẏenkerke sakeweldeghe des nabeschreue(n) gheldes heyne ryngherslaghe wonaftech tu deme ruͦwe(n)tale Ju(n)ghe / hans ost(er)holte vonaftech tu osterholte vn(de) otte nye(n)kerke vonaftech tu grote(n)swechten medelouere wy beke(n)nen vn(de) betu=/ghen openbarlek in dvssen bryue dat wy synt schuldech mossen abrahams sone vnde mattan syne(n) veddere / Joden wonaftech in stendal twelf mark suluers stendelscher weringhe de sy vns gheleghen hebben an reden / pe(n)ny(n)ghen ysleke mark tu Jewelker weke vmme ver stendelsche pe(n)ni(n)ghe tu wuker wan de Joden vns mane(n) / v(m)me den houetstul vnde v(m)me den wuker zo loue wy by vnsen eren met eyner sameden hant dat wy wyl=/len komen in de stad tu stendal vnde dar nycht vt ryden wy wyllen der Joden wyllen irst maken v(m)=/me den houetstul vn(de) ok v(m)me den wuker dvsse stukke(n) loue wy vorbesc(re)uen knapen met eyner sameden / hant stede vn(de) vast tuholdende sunder allerleye hulperede bosemeyni(n)ghe argelyst vnde vortoch tu eyner / grotter tuchnysse desser stukke hebbe wy met ghuden wyllen vn(de) met wytschap ghehenghet an dessen bryf / vnse ingheseghele ghescreuen na godes bort dusent Jar vn(de) drehundert Jar dar na in deme ver vnde neghentegesteghen Jare in sunte Juryens daghe